اللہ کی صفتِ عدل، صلاحیتوں کا احتساب اور نفسِ امارہ سے بچاؤ

الحمد للّٰہ رَبِّ الْعٰلَمِينَ، وَالصَّلَاةُ وَالسَّلَامُ عَلَى خَاتَمِ النَّبِيِّينَ، أَمَّا بَعْدُ! فَأَعُوذُ بِاللّٰهِ مِنَ الشَّيْطٰنِ الرَّجِيمِ، بِسْمِ اللّٰهِ الرَّحْمَنِ الرَّحِيمِ۔

يٰٓاَهْلَ الْكِتٰبِ قَدْ جَآءَكُمْ رَسُوْلُنَا يُبَيِّنُ لَكُمْ كَثِيْرًا مِّمَّا كُنْتُمْ تُخْفُوْنَ مِنَ الْكِتٰبِ وَيَعْفُوْا عَنْ كَثِيْرٍ ۭ قَدْ جَآءَكُمْ مِّنَ اللّٰهِ نُوْرٌ وَّكِتٰبٌ مُّبِيْنٌ ﴿ۙ15﴾ يَّهْدِيْ بِهِ اللّٰهُ مَنِ اتَّبَعَ رِضْوَانَهٗ سُبُلَ السَّلٰمِ وَيُخْرِجُهُمْ مِّنَ الظُّلُمٰتِ اِلَى النُّوْرِ بِاِذْنِهٖ وَيَهْدِيْهِمْ اِلٰى صِرَاطٍ مُّسْتَقِيْمٍ ﴿16﴾ لَقَدْ كَفَرَ الَّذِيْنَ قَالُوْٓا اِنَّ اللّٰهَ هُوَ الْمَسِيْحُ ابْنُ مَرْيَمَ ۭ قُلْ فَمَنْ يَّمْلِكُ مِنَ اللّٰهِ شَيْـًٔا اِنْ اَرَادَ اَنْ يُّهْلِكَ الْمَسِيْحَ ابْنَ مَرْيَمَ وَاُمَّهٗ وَمَنْ فِي الْاَرْضِ جَمِيْعًا ۭ وَلِلّٰهِ مُلْكُ السَّمٰوٰتِ وَالْاَرْضِ وَمَا بَيْنَهُمَا ۭ يَخْلُقُ مَا يَشَآءُ ۭ وَاللّٰهُ عَلٰي كُلِّ شَيْءٍ قَدِيْرٌ ﴿17﴾ وَقَالَتِ الْيَهُوْدُ وَالنَّصٰرٰي نَحْنُ اَبْنٰٓؤُا اللّٰهِ وَاَحِبَّآؤُهٗ ۭ قُلْ فَلِمَ يُعَذِّبُكُمْ بِذُنُوْبِكُمْ ۭ بَلْ اَنْتُمْ بَشَرٌ مِّمَّنْ خَلَقَ ۭ يَغْفِرُ لِمَنْ يَّشَآءُ وَيُعَذِّبُ مَنْ يَّشَآءُ ۭ وَلِلّٰهِ مُلْكُ السَّمٰوٰتِ وَالْاَرْضِ وَمَا بَيْنَهُمَا ۠ وَاِلَيْهِ الْمَصِيْرُ ﴿18﴾ يٰٓاَهْلَ الْكِتٰبِ قَدْ جَآءَكُمْ رَسُوْلُنَا يُبَيِّنُ لَكُمْ عَلٰی فَتْرَةٍ مِّنَ الرُّسُلِ اَنْ تَقُوْلُوْا مَا جَآءَنَا مِنْۢ بَشِيْرٍ وَّلَا نَذِيْرٍ ۡ فَقَدْ جَآءَكُمْ بَشِيْرٌ وَّنَذِيْرٌ ۭ وَاللّٰهُ عَلٰي كُلِّ شَيْءٍ قَدِيْرٌ ﴿19﴾ ۧ صَدَقَ اللّٰهُ الْعَلِيُّ الْعَظِيمُ، وَصَدَقَ رَسُولُهُ النَّبِيُّ الْكَرِيمُ۔

ترجمہ: اے اہل کتاب ! تمہارے پاس ہمارے (یہ) پیغمبر آگئے ہیں جو کتاب (یعنی تورات اور انجیل) کی بہت سی ان باتوں کو کھول کھول کر بیان کرتے ہیں جو تم چھپایا کرتے ہو، اور بہت سی باتوں سے درگزر کرجاتے ہیں۔

حاشیہ: مطلب یہ ہے کہ یہود و نصاریٰ نے یوں تو اپنی آسمانی کتابوں کی بہت سی باتوں کو چھپا رکھا تھا، لیکن آنحضرت صلی اللہ علیہ وسلم نے صرف ان باتوں کو ظاہر فرمایا جن کی وضاحت دینی اعتبار سے ضروری تھی۔

ترجمہ: تمہارے پاس اللہ کی طرف سے ایک روشنی آئی ہے، اور ایک ایسی کتاب جو حق کو واضح کردینے والی ہے ﴿15﴾ جس کے ذریعے اللہ ان لوگوں کو سلامتی کی راہیں دکھاتا ہے جو اس کی خوشنودی کے طالب ہیں، اور انہیں اپنے حکم سے اندھیروں سے نکال کر روشنی کی طرف لاتا ہے، اور انہیں سیدھے راستے کی ہدایت عطا فرماتا ہے ﴿16﴾ جن لوگوں نے یہ کہا ہے کہ اللہ ہی مسیح ابن مریم ہے، وہ یقیناً کافر ہوگئے ہیں۔ (اے نبی ! ان سے) کہہ دو کہ اگر اللہ مسیح ابن مریم کو اور ان کی ماں کو اور زمین میں جتنے لوگ ہیں ان سب کو ہلاک کرنا چاہے تو کون ہے جو اللہ کے مقابلے میں کچھ کرنے کی ذرا بھی طاقت رکھتا ہو؟ تمام آسمانوں اور زمین پر اور ان کے درمیان جو کچھ موجود ہے اس پر تنہا ملکیت اللہ ہی کی ہے۔ وہ جو چیز چاہتا ہے پیدا کرتا ہے۔ اور اللہ ہر چیز پر پوری پوری قدرت رکھتا ہے ﴿17﴾

ترجمہ: یہود و نصاریٰ کہتے ہیں کہ ”ہم اللہ کے بیٹے اور اس کے چہیتے ہیں“ (ان سے) کہو کہ ”پھر اللہ تمہارے گناہوں کی وجہ سے تمہیں سزا کیوں دیتا ہے؟

حاشیہ: یہ بات یہود و نصاریٰ بھی مانتے تھے کہ وہ مختلف مواقع پر اللہ تعالیٰ کے عذاب کا نشانہ بنے ہیں، اور ان میں سے بہت سے لوگ اس بات کے بھی قائل تھے کہ آخرت میں بھی کچھ عرصے کے لئے وہ دوزخ میں جائیں گے۔ لہٰذا بتانا یہ منظور ہے کہ اللہ تعالیٰ نے تمام انسان ایک جیسے پیدا فرمائے ہیں، ان میں سے کسی خاص نسل کے بارے میں یہ دعویٰ کرنا کہ وہ اللہ تعالیٰ کی لاڈلی قوم ہے، اور اس کے قوانین سے لازمی طور پر مستثنیٰ ہے، بالکل غلط دعویٰ ہے۔ اللہ تعالیٰ کے قوانین سب کے لئے برابر ہیں۔ اس نے کوئی خاص نسل اپنی رحمت کے لئے مخصوص نہیں کی ہے۔ البتہ وہ اپنی حکمت کے تحت جس کو چاہتا ہے بخش بھی دیتا ہے، اور جس کو چاہتا ہے اپنے قانونِ عدل کے تحت سزا بھی دیتا ہے۔

اصل میں اللہ جل شانہ کی صفات کامل ہیں اور اللہ پاک کی بہت ساری صفات ہیں۔ اور ہر صفت اپنے اپنے اس میں کامل ہے۔ تو ایسی صورت میں کسی ایک صفت کو ماننا اور دوسری صفت کو نہ ماننا، یہ ظاہر ہے مطلب کفر کی طرف لے جاتا ہے۔ تو اللہ جل شانہ انصاف کرنے والے ہیں، کسی پر ظلم نہیں کرتے۔ اور ظلم وہ ہوتا ہے کہ جو چیز کرنے کی ہوتی ہے، وہ مطلب اس کی جگہ کچھ اورکر لے۔ تو ایسی صورت میں اب اللہ پاک نے ساری مخلوقات کو پیدا فرمایا ہے، تو اللہ جل شانہ کسی ایک کو اس کے کیے پر سزا دے اور دوسرے کو اس کے کیے پر سزا نہ دے، تو یہ تو ظاہر ہے اللہ جل شانہ کے انصاف سے بعید ہے۔

اور دوسری بات یہ ہے کہ ہاں، البتہ ایک بات ہوتی ہے کہ اللہ پاک بعض صلاحیتیں بعضوں کو زیادہ دیتے ہیں اور بعضوں کو کم دیتے ہیں۔ تو جن کو زیادہ صلاحیتیں دیتے ہیں، ان سے پوچھ بھی زیادہ ہوتی ہے۔ مطلب اس کی compensation اس طرح ہو جاتی ہے۔ مطلب ان کی ذمہ داریاں بھی زیادہ ہوتی ہیں۔

مثال کے طور پر ایک سادہ آدمی ہے۔ اس کی نگاہ، اس کی ایک خاص چیز کی طرف جاتی ہی نہیں، تو ان کے ساتھ اتنی بات نہیں ہوتی۔ بس وہ موٹی موٹی بات ہوتی ہے ان کے ساتھ۔ جیسا وہ ایک عورت تھی نا، اس سے آپ صلی اللہ علیہ وسلم نے پوچھا کہ، اللہ پر یقین رکھتی ہو؟ کہتی ہے، ہاں۔ کدھر ہے؟ تو اس نے آسمان کی طرف اشارہ کیا۔ تو اللہ پاک کسی ایک طرف تو نہیں ہیں۔ بس وہ اتنا جان سکتی تھی۔ تو آپ صلی اللہ علیہ وسلم نے فرمایا کہ یہ ایمان والی ہے۔

تو ہر ایک کے ساتھ، ہر ایک جیسا معاملہ نہیں ہوتا۔ کوئی ہوشیار آدمی ہے، کوئی صلاحیت والا ہے، اس کے ساتھ اس کے حساب سے حساب ہوگا۔ اور کوئی شخص کم صلاحیتوں والا ہے یا سادہ آدمی ہے، ان کے ساتھ اس طرح حساب ہوگا۔

آخر امام رازی رحمۃ اللہ علیہ نے جو فرمایا تھا، آخر ویسے تو نہیں فرمایا تھا اخیر وقت میں، موت کے وقت کہ، اے اللہ! میں بغداد کی بڑھیوں کے ایمان پر مرتا ہوں۔ یعنی بہت بڑے فلاسفر تھے، بہت بڑے معقولی تھے اور عقل کے بہت بڑے وہ تھے، لیکن جب مشکلات میں آ گئے تو اس نے یہی کہا کہ اے اللہ! میں بغداد کی بڑھیاؤں کے ایمان پر مرتا ہوں۔ کہ ان کے ساتھ ایسا معاملہ نہیں ہوگا۔

تو اس کا مطلب یہ ہے کہ یہ جو لوگ کہتے ہیں ہم اتنا جانتے ہیں، تو اپنے آپ کو ذمہ دار بناتے ہیں۔ ہمارے حضرت تھانوی رحمۃ اللہ علیہ نے ایک بات فرمائی۔ فرمایا، عام انسانوں کی طرح رہو، عام انسان اپنے آپ کو سمجھو۔ ورنہ اگر بزرگ بنو گے، اور بزرگوں کی طرح حساب کیا گیا تو پھر پتہ چل جائے گا۔ ظاہر ہے مطلب ہے کہ اگر بزرگوں والا حساب ہو جائے گا تو بہت مشکل ہو جائے گا۔

تو اس طرح مطلب یہ ہے کہ یہ جو کہتے ہیں کہ ہم تو ایسے ہیں، چنے ہوئے لوگ ہیں، تو چنے ہوئے لوگ نہیں ہیں، ہاں! صلاحیتوں کے لحاظ سے، مطلب ظاہر ہے اعلیٰ صلاحیتیں ہیں، اس سے انکار نہیں ہے۔ اس سے انکار نہیں ہے۔ ظاہر ہے مطلب ہے کہ ان میں بھی بڑی صلاحیتیں تھیں کیونکہ وہ پیغمبروں کی اولاد تھے۔ اور اس وقت جو سادات ہیں، ان میں بھی بڑی صلاحیتیں ہیں۔ لیکن ان کی بھی ذمہ داری بنتی ہے کہ پھر وہ ان صلاحیتوں کو صحیح استعمال کر لیں۔ ان سے ان کے بارے میں پوچھا جائے گا۔ اور ان سے بھی یہ بات تھی کہ وہ اپنی صلاحیتوں کو صحیح استعمال کر لیں، اس کے بارے میں ان سے پوچھا جائے گا۔

تو اصل بات یہ ہے کہ انسان جب نفس سے مغلوب ہو کر کسی بات کا فیصلہ کرتا ہے تو پھر ایسے ہی ہوتا ہے، کچھ چیزیں اس کو نظر آتی ہیں، کچھ چیزیں اس کو نظر نہیں آتیں۔ اس وجہ سے ہم لوگوں کو شریعت کے مطابق عمل کرنا چاہیے۔ کیونکہ شریعت ہم نے نہیں بنائی۔ ہمارے نفس کی سوچ کے مطابق نہیں بنی۔ بلکہ وہ اللہ جل شانہ کے ارادے سے، جو اللہ پاک کے علم میں ہے، اس کے حساب سے اللہ پاک نے ارادہ فرمایا اور ہم لوگوں تک وہ پیغام اپنے پیغمبروں کے ذریعے سے پہنچایا۔ اس وجہ سے ہوشیار ہے وہ بھی شریعت پر چلے گا، سادہ ہے وہ بھی شریعت پر چلے گا، اس کے حساب سے اس کے ساتھ بات ہوگی۔

ترجمہ: نہیں ! بلکہ تم انہی انسانوں کی طرح انسان ہو جو اس نے پیدا کئے ہیں۔ وہ جس کو چاہتا ہے بخش دیتا ہے اور جس کو چاہتا ہے عذاب دیتا ہے۔ آسمانوں اور زمین پر اور ان کے درمیان جو کچھ موجود ہے اس پر تنہا ملکیت اللہ ہی کی ہے، اور اسی کی طرف (سب کو) لوٹ کر جانا ہے“ ﴿18﴾ اے اہل کتاب ! تمہارے پاس ہمارے پیغمبر ایسے وقت دین کی وضاحت کرنے آئے ہیں جب پیغمبروں کی آمد رکی ہوئی تھی، تاکہ تم یہ نہ کہہ سکو کہ ہمارے پاس نہ کوئی (جنت کی) خوشخبری دینے والا آیا، نہ کوئی (جہنم سے) ڈرانے والا۔ لو اب تمہارے پاس خوشخبری دینے والا اور ڈرانے والا آگیا ہے۔ اور اللہ ہر بات پر پوری پوری قدرت رکھتا ہے ﴿19﴾

یہ بات وہ بہت اہم ہے کہ انسان کو پیغمبر کی بات ہے، اس کو سمجھنا بھی چاہیے اور ساتھ ساتھ اس پر عمل بھی کرنا چاہیے۔ ورنہ کیا ہوتا ہے؟ ورنہ پھر انسان نفس کے ارادے پر چلتا ہے، اور نفس تو ہمیشہ شر کی طرف ہی لے جاتا ہے انسان کو، یعنی وہ نفسِ امارہ جو ہے۔ لہٰذا اپنے نفس کی بات پر جو کوئی عمل کرتا ہے تو اس کا اس کو جواب دینا پڑے گا۔ اور ایسی جگہ جہاں انسان جواب نہیں دے سکتا۔ اپنے آپ کو ذمہ دار بنانا بہت خطرے کی بات ہے۔ اللہ جل شانہ ہم سب کی حفاظت فرمائے۔

یہ دیکھیں نا یہاں پر بھی ہمارے دفتروں میں جو boss بڑے ذکی ہوتے ہیں، ذہین ہوتے ہیں اور ہر چیز کا چیک اپ وغیرہ کرتے ہیں۔ تو اس کے سامنے حساب کتاب کے لیے جب جاتے ہیں تو اچھی خاصی tension ہوتی ہے۔ کہ مطلب پتہ نہیں یہ نہ پوچھے، یہ نہ پوچھے، یہ نہ پوچھے۔ تو کافی انسان کو سوچنا پڑتا ہے۔ تو اللہ جل شانہ تو علیم و خبیر ذات ہے۔ لہٰذا ایسی صورت میں انسان بہت ہی زیادہ محتاط رہے اور کبھی ایسی کوئی بات نہ کر لے جس سے انسان کو نقصان ہو سکتا ہے آخرت میں۔

اللہ جل شانہ ہم سب کی حفاظت فرمائے۔ وَمَا عَلَيْنَا إِلَّا الْبَلَاغُ۔