ہوشِ دیوانگی: دیارِ حرم سے دربارِ رسالت صلی اللہ علیہ و آلہ وسلم تک (منظوم عاشقانہ واردات و کیفیات)

الْحَمْدُ لِلَّهِ رَبِّ الْعَالَمِينَ وَالصَّلَاةُ وَالسَّلَامُ عَلَى خَاتَمِ النَّبِيِّينَ۔ أَمَّا بَعْدُ فَاَعُوذُ بِاللَّهِ مِنَ الشَّيْطَانِ الرَّجِيمِ بِسْمِ اللَّهِ الرَّحْمَنِ الرَّحِيمِ۔

لَئِنْ شَكَرْتُمْ لَأَزِيدَنَّكُمْ۔

بزرگو اور دوستو اور معزز خواتین، اس وقت الحمدللہ محفلِ شعر و شاعری جذب جو ہمارا معمول ہے منگل کے دن کا، وہ جاری ہے۔ اللہ کا شکر ہے الحمدللہ اپنے بزرگوں کی دعاؤں کی برکت سے دو کتابیں شاہراہ محبت اور پیغامِ محبت، یہ چھپ چکی ہیں۔

شاہرائے محبت حج کے بارے میں ہے اور آپ صلی اللہ علیہ وسلم کے در پر حاضری کے بارے میں ہے۔ اس میں تین قسم کے مضامین ہیں۔ پہلا حصہ اس کا عاشقانہ انداز میں حج کرنے کے بارے میں ہے نثر اور نظم دونوں میں۔ دوسرا حصہ اس کا ایک سفرنامہ ہے جو حج پہ ہم گئے تھے تو اس کا سفرنامہ منظوم تیسرا حصہ اس کے حج کے دوران جو کیفیات وارد ہوئی تھیں، ان کا بیان ہے شاعری میں۔

جو دوسری کتاب ہے پیغامِ محبت، یہ طریقِ جذب جس کا اظہار عموماً شاعری میں ہوتا ہے، اس کے بارے میں ہے۔ اس میں بھی دو قسم کے مضامین ہیں۔ پہلے محض محبت کے بارے میں ہے اور پھر دوسرا حصہ محبت کے آثار کے بارے میں ہے کہ جس کو محبت حاصل ہو تو پھر کیا ہوتا ہے۔

اللہ کا شکر ہے یہ کتابیں پسند کی گئی ہیں اور الحمدللہ پڑھی جا رہی ہیں اور ہم بھی اس سے پڑھتے رہے ہیں یہاں اسی محفل میں۔

ارادہ تھا کہ اب مزید نہیں لکھنا کیونکہ ہمارے ہاں شاعری جو ہے یہ مطلوب نہیں ہے مقصود نہیں ہے۔ پیغام مقصود ہے۔ اور ہمارے خیال میں پیغام پہنچ گیا ہے۔ لہذا مزید کے بارے میں ہمارا ارادہ نہیں تھا۔

لیکن جب حج کے سفر کا ارادہ ہوا اور حجاج میں بیٹھ گئے تو ایک نیا موضوع وارد ہو گیا۔ وہ موضوع ہے ہوشِ دیوانگی کے بارے میں۔

اصل میں ہوشِ دیوانگی کیا ہے؟ یہ ایک نئی اصطلاح ہے۔ دیوانگی جیسے کہ آپ جانتے ہیں یہ محبت کے ساتھ تعلق رکھتی ہے محبت میں جو دیوانہ ہو جائے۔ کسی فارسی شاعر نے کہا ہے:

اوست دیوانہ کہ دیوانہ نہ شد
اوست فرزانہ کہ فرزانہ نہ شد

تو وہ دیوانگی جو اللہ کی محبت میں ہو جائے وہ اگر کنٹرول ہو جائے اور ہوش کی صورت اختیار کر لے تو اس کو ہوشِ دیوانگی کہتے ہیں۔ ہوتا یوں ہے کہ انسان کے اوپر نفس کی خواہشات جب غلبہ کرتی ہیں تو اس کی عقل مفلوج ہو جاتی ہے۔ وہ سوچنے سمجھنے کی صلاحیتیں مفلوج ہو جاتی ہیں ختم ہو جاتی ہیں۔ لہذا وہ ان چیزوں کو اچھا کہتا ہے جو اس کے لیے اچھی نہیں ہیں۔ اور ان چیزوں کو برا کہتا ہے جو بری نہیں ہیں۔ تو ظاہر ہے اس چیز سے نکلنا آسان بات تو نہیں ہے۔ یعنی جو دنیا کے چھوٹے چھوٹے magnets ہیں، مقناطیس ہیں، وہ ان کو اتنا کھینچتے ہیں کہ کسی اور طرف جانے نہیں دیتے۔

تو انگریز لوگ کہتے ہیں "diamond cuts diamond" لوہا لوہے کو کاٹتا ہے۔ تو اس کے جواب میں کوئی اتنا powerful مقناطیس ہونا چاہیے جو اس کے opposite direction میں یعنی اللہ کی طرف اس کو کھینچے۔ تو کیا ہوگا وہ؟ ظاہر ہے اللہ پاک کی محبت کا جذبہ پیدا کرنا پڑے گا اور اس کو اتنا بڑھانا پڑے گا کہ ان تمام جو دنیا کے بارے میں لوگ اندھے ہو چکے ہوتے ہیں دیوانے ہو چکے ہوتے ہیں، ان دیوانگیوں سے بڑھ کر ہو۔ اس وقت اللہ تعالیٰ کی معرفت اس پر کھلتی ہے پھر اس کو خدا نظر آتا ہے۔ یہ جو خدا کا نظر آنا ہے اور معرفت کا حاصل ہونا ہے، دوبارہ ہوش اس کو ملتا ہے اس دیوانگی کے بعد، یہ ہوشِ دیوانگی ہے۔ اور یہ مطلوب ہے۔

وَالَّذِينَ آمَنُوا أَشَدُّ حُبًّا لِلَّهِ۔ جو مومن ہیں وہ اللہ کے ساتھ شدید محبت رکھتے ہیں۔ تو شدید محبت کیا چیز ہے؟ ایک صحابیِ رسول صلی اللہ علیہ وآلہ وسلم ہیں... ان سے ایک کافر کہتا ہے کہ تم کیسے ہمارے اوپر اس طرح بغیر سوچے سمجھے پڑ جاتے ہو؟ اپنے آپ کی کسی چیز کا خیال نہیں ہوتا۔ تو انہوں نے فرمایا جتنا تم شراب کے پیالے سے محبت کرتے ہو، اس سے زیادہ ہم موت سے محبت کرتے ہیں۔ تو یہ دیوانگی نہیں ہے تو کیا ہے؟

ایک صحابی کو نیزہ لگتا ہے۔ وہ اس کی زبان سے نکلتا ہے فُزْتُ ورَبِّ الْكَعْبَةِ، کامیاب ہو گیا ربِ کعبہ کی قسم۔ وہ کافر حیران ہو جاتا ہے کہ برچھی میں نے ماری۔ دنیا سے چلا گیا اور کہتا ہے کہ میں ربِ کعبہ کی قسم کامیاب ہو گیا۔ تو یہ کیا چیز ہے؟

تو یہی اصل میں وہ چیز ہے کہ جو پیدا کرنی ہے۔ اسی کو ہم دیوانگی کہتے ہیں اور اسی سے ہوش نکلتا ہے۔ اس کا مطلب ہے دیوانگی سے جو ہوش پیدا ہو جائے وہ اس عمل کے لیے محرک ہو جاتا ہے جو اخلاص کے ساتھ ہو۔ اور یہی دین میں مطلوب ہے۔

تو لہذا یہ ہوشِ دیوانگی کی جو اصطلاح آئی ہے، یہ من جانبِ اللہ ایک الحمدللہ ایک نعمت ملی۔ اس وجہ سے شاعری نے کچھ دوسرا رخ اختیار کر لیا یعنی اس انداز میں۔ اس کی غالباً پہلی غزل جو ہوئی ہے وہ میں سنا دیتا ہوں۔ جہاز میں۔

کلامِ عشق

زبانِ عشق کی انتہا نہیں ہے
دیکھنا رکنا اس سے اچھا نہیں ہے

زبانِ عشق کی انتہا نہیں ہے

روک لے گا اس کو تو کیا کہتے ہو کیا
یہ کسی اور کا ہے تیرا نہیں ہے

زبانِ عشق کی انتہا نہیں ہے

لے نہ اس سے تو خوب لے نہ اس سے
ارے ناداں اس کے پاس کیا نہیں ہے

زبانِ عشق کی انتہا نہیں ہے

جام لبریز پلا بھر بھر کے
کتنوں کو تو نے پلایا نہیں ہے

زبانِ عشق کی انتہا نہیں ہے
دیکھنا رکنا اس سے اچھا نہیں ہے

رخ ذرا کرنا اس کی جانب اور
ابھی تو جوش اس میں آیا نہیں ہے

زبانِ عشق کی انتہا نہیں ہے
دیکھنا رکنا اس سے اچھا نہیں ہے

جذب سے پایۂ شریعتِ تام
یہی ہے اور رستہ نہیں ہے

زبانِ عشق کی انتہا نہیں ہے
دیکھنا رکنا اس سے اچھا نہیں ہے

ہوشِ دیوانگی سے کام لے شبیرؔ
فیض سے محروم یہ ادا نہیں ہے

زبانِ عشق کی انتہا نہیں ہے
دیکھنا رکنا اس سے اچھا نہیں ہے

یہ غالباً دوسری ہی تھی واللہ اعلم لیکن بہرحال اس پہ نمبر تو اس پہ نہیں لگا۔ لیکن یہ بھی اسی وقت آئی تھی۔

عشق کى آگ نرالى آگ ہے

عشقِ عشاق میں نقل کرتے کرتے
پھر سے شامل ہوا میں ڈرتے ڈرتے

یہ احرام پہنتے وقت ہوا تھا۔ جب احرام کی نیت ہم کر رہے تھے، یہ اسی وقت۔

عشقِ عشاق میں نقل کرتے کرتے
پھر سے شامل ہوا میں ڈرتے ڈرتے

پھر زیبِ تن کیا لباسِ عشق جب
پھر سے کہنے لگا میں چلتے چلتے

عشقِ عشاق میں نقل کرتے کرتے
پھر سے شامل ہوا میں ڈرتے ڈرتے

عشق کی آگ نرالی آگ ہے
دل بن گیا ہے اس سے جلتے جلتے

یہ ہوش و دیوانگی ہے نا۔

دل بن گیا ہے اس سے جلتے جلتے
عشقِ عشاق میں نقل کرتے کرتے

جو کہ آشنا نہیں ہے اس آگ سے
رہ جائیں گے ہاتھ ملتے ملتے

عشقِ عشاق میں نقل کرتے کرتے
پھر سے شامل ہوا میں ڈرتے ڈرتے

اس کا کہلاؤں ملوں اس سے شبیر
یوں میں ناچیز اس کا دم بھرتے بھرتے

عشقِ عشاق میں نقل کرتے کرتے
پھر سے شامل ہوا میں ڈرتے ڈرتے

حج کے بارے میں چونکہ حج پہ جا رہے تھے تو اس کے بارے میں یہ بات دہرائی۔

دلوں کی دنیا میں ہلچل ہے، عقل مغلوب ہے
دل کی دنیا کے لیے موسمِ حج کیا خوب ہے

عقل کی آنکھیں بند کر کے دل سے دیکھ لینا
اس کا ہر رکن کیا ہے اور کس سے منسوب ہے

جس کو اس حج میں بھی دنیائے عشق نظر نہ آئے
اس کا دل بینا نہیں عقل کا اسے آشوب ہے

اس کو اللہ کے محبوبوں کی ادائیں نہ بھائیں
جبکہ دنیا کے فیشنوں سے خوب مرغوب ہے

حج کا ہر رکن بے سمجھے ہی کرو پھر تو شبیر
دل کی دنیا کے لیے عقل کا یہ جاروب ہے

بہرحال چلتے رہے، اللہ تعالی نے پہنچا دیا وہاں پر مکہ مکرمہ میں۔ مکہ مکرمہ یہ عجیب جگہ ہے۔ برکتوں کی جگہ ہے اور ابراہیم علیہ السلام کی اس کے لیے دعا ہے اور اللہ پاک کی بہت ساری نشانیاں ہیں۔

تو اس میں تین چیزوں کی طرف بتایا گیا ہے کہ تین چیزیں نہیں کرنی حج میں۔ ایک رفث نہیں کرنا، ایک فسق نہیں کرنا اور ایک جدال نہیں کرنا۔ کیونکہ ان تین چیزوں کے ذریعے سے آزمایا جاتا ہے حاجی کو۔ کیونکہ وہاں پر ظاہر ہے عورتیں بھی طواف کریں گی مرد بھی طواف کریں گے۔ قریب قریب ہوتے ہیں۔ تو اس لحاظ سے اپنی آنکھ کی حفاظت کرنا بہت ضروری ہے۔ دوسرا یہ ہے کہ مواقع ہوتے ہیں اس وجہ سے فسق کی طرف انسان جا سکتا ہے۔ اور تیسری بات یہ ہے کہ بہت ٹینشن ہوتی ہے اعمال ایک ہی وقت میں بہت سارے لوگوں نے کرنے ہوتے ہیں لہذا جدال کا بھی خدشہ ہوتا ہے۔

تو ان تین چیزوں سے اگر کوئی رک گیا تو پھر ان شاء اللہ وہ حج کا لطف بھی پا لے گا اور حج کا فائدہ بھی حاصل ہوگا۔ تو اس میں سے ایک چیز پر میں نے یہ نظم کہی تھی۔

دل پاک نہیں ہے گر نگاہ پاک نہیں ہے
غیر محرم دیکھنے سے اگر باک نہیں ہے

پتھر کی طرح سخت ہے پاکی نہیں اس میں
جس دل کے پاس حبِ شاہِ لولاک نہیں ہے

دل پاک نہیں ہے گر نگاہ پاک نہیں ہے

معمور محبت سے دل کسی کا اس کا ہو
دنیا میں رہنا اس کا خطرناک نہیں ہے

دل پاک نہیں ہے گر نگاہ پاک نہیں ہے

وہ نفس کے اثر سے عقل کیسے چھڑائے
دریائے محبت کا جو تیراک نہیں ہے

دل پاک نہیں ہے گر نگاہ پاک نہیں ہے
غیر محرم دیکھنے سے اگر باک نہیں ہے

وہ اہلِ رفعتوں کا بنے کیسے اے شبیرؔ
جو اس کی محبت میں ہوا خاک نہیں ہے

وہ کہتے ہیں نا کہ:

مٹا دے اپنی ہستی کو اگر کچھ مرتبہ چاہو
کہ دانہ خاک میں مل کر گل و گلزار ہوتا ہے

لیکن یہ خاک میں ملنا اپنی دنیا کے لیے نہ ہو۔ دنیا کے لیے انسان بہت گر جاتا ہے اس کو تذلیلِ نفس کہتے ہیں۔ وہ تو اچھی بات نہیں ہے۔ یہ ڈوم جیسے لوگ جو ہو جاتے ہیں۔ پیسوں کے لیے کتنے گر جاتے ہیں۔ تو وہ نہیں بننا، تذلیلِ نفس کرنا نہیں ہے۔ ہاں البتہ، اللہ کے لیے اپنے آپ کو مٹانا۔ اللہ کے لیے اپنے آپ کو مٹانا، اس پر یہ ہے، مَنْ تَوَاضَعَ لِلّٰهِ فَقَدْ رَفَعَهُ اللَّهُ۔ جس نے اپنے آپ کو اللہ کے لیے پست کر دیا، اس کو اللہ تعالی اٹھاتا ہے۔ تو یہ ہے:

وہ اہلِ رفعتوں کا بنے کیسے اے شبیرؔ
جو اس کی محبت میں ہوا خاک نہیں ہے

دل پاک نہیں ہے گر نگاہ پاک نہیں ہے
غیر محرم دیکھنے سے اگر باک نہیں ہے

ہوشِ دىوانگى کىا ہے؟

کسی نے پوچھا کہ ہوشِ دیوانگی کیا ہے
عرض کیا میں نے، عبدیت سپردگی کیا ہے

یہ فلسفہ ہے وہ حاصل جو عشقِ سے عاشق کو
اس کو معلوم ہے اس سے کہ بندگی کیا ہے

عشق نے اس کو کائنات سے کیا غافل

یہی دیوانگی ہے نا۔

عشق نے اس کو کائنات سے کیا غافل
کون جانے حال اس کا عالمِ مستی کیا ہے

کسی نے پوچھا کہ ہوشِ دیوانگی کیا ہے

قلب جب درست ہو تو عقل کرے کام صحیح
جان لے دل سے کہ غلط کیا صحیح کیا ہے

اس کو ہوش نہیں کہیں گے تو پھر کیا کہیں گے۔

جان لے دل سے کہ غلط کیا صحیح کیا ہے
کسی نے پوچھا کہ ہوشِ دیوانگی کیا ہے

دل میں اللہ ہو، اللہ کے لیے کام ہو شبیر
تب سمجھ آئے ضرورت ایسے ہوش کی کیا ہے

کسی نے پوچھا کہ ہوشِ دیوانگی کیا ہے
عرض کیا میں نے عبدیت سپردگی کیا ہے

حج میں الحمد للہ، کیفیات بھی آتی ہیں، مشکلات بھی آتی ہیں۔ مشکلات کے حل بھی آتے ہیں، تسلیاں بھی آتی ہیں۔ بڑی مزے مزے کی چیزیں بھی ہوتی ہیں۔ الحمد للہ، اللہ کا شکر ہے اللہ تعالی نے بہت اچھا رکھا لیکن ظاہر ہے چلنے سے پاؤں ساتھیوں کے کچھ زخمی ہو گئے۔ تو اس پر کچھ بات آ گئی۔

حج کی اک کیفیت

زخمی پاؤں سے حج تیرے کرنے پہ پیار اس کو حاجی سنو کتنا آیا ہوگا

ہو مبارک تجھے یہ سفر عاشقانہ
اس کی توفیق سے ہو گیا تیرا آنا
اس کی منزل اگر ہے تو ہے اس کا پانا

یہ مشقت چلن میں چبھے نہ تجھے اس پہ نہ جانے تو نے کیا پایا ہوگا

زخمی پاؤں سے حج تیرے کرنے پہ پیار اس کو حاجی سنو کتنا آیا ہوگا

یہ گلے کی خرابی اور تیری تھکن
اس سے آسان ہو تیرا اس سے ملن
تو تجارت نہ کر اس کا عاشق تو بن

اس کو یہ نہیں کہ میں نے یہ کیا تو تو یہ کر دے۔ یہ کس کو کہہ رہے ہو؟

تو تجارت نہ کر اس کا عاشق تو بن

عشق میں تو یہ تکالیف دیکھے یہاں، دل میں کچھ بھی تو اس نے بتایا ہوگا

زخمی پاؤں سے حج تیرے کرنے پہ پیار اس کو حاجی سنو کتنا آیا ہوگا

یہ چکر خانۂ کعبہ ہوا جب نصیب
اس کے دل پر اثر ہوتے ہیں کچھ عجیب
اس سے ہوتے ہو تم اس کے کتنے قریب

کتنوں نے اس چکر کے لگانے سے یوں جانے کیا کیا یہاں پر کمایا ہوگا

زخمی پاؤں سے حج تیرے کرنے پہ پیار اس کو حاجی سنو کتنا آیا ہوگا

یہ رمی سے ذلیل کرنا شیطان کا
ہے سبب راضی ہونے کا رحمن کا

رِضًا لِلرَّحْمٰنِ۔ اس میں ہے نا بِسْمِ اللهِ اللهُ اَكْبَرُ۔ ہاں رَغْمًا لِلشَّيْطَانِ وَرِضًا لِلرَّحْمَانِ۔

یہ رمی سے ذلیل کرنا شیطان کا
ہے سبب راضی ہونے کا رحمن کا
ایک دن اور ٹھہرنا ہے مہمان کا

تیرہویں ذی الحج کو۔

ایک دن اور ٹھہرنا یہ مہمان کا
یہ طلب کی بڑھوتری سے شبیر سن

یعنی بارہ کو نہیں جا رہے تیرہ کو جا رہے ہیں۔

یہ طلب کی بڑھوتری سے شبیر سن راستہ کتنوں کو اس نے دکھایا ہوگا

زخمی پاؤں سے حج تیرے کرنے پہ پیار اس کو حاجی سنو کتنا آیا ہوگا

حج اىک البىلى عبادت

حج اک البیلی عبادت ہے مگر
چند باتوں پہ اگر ہووے نظر

جان لے اس کے مسائل پورے
اور نظر رکھیں ہم اپنے دل پر

عقل کو کر لیں اس کے تابع ہم
توڑ دیں اس میں اپنے نفس کا مکر

آنکھ کا بند کریں غلط استعمال
اپنے محبوب کی یاد میں گم ہو کر

چھوڑ دے اس میں فسق دل سے شبیرؔ
دیکھ لیں پھر اس کا جو ہوگا اثر

سبحان اللہ۔ یہ اللہ جل شانہ کی معرفت کے اشعار۔

اىک ہى

ایک ہی ہے کہ جو کھلاتا ہے
حق کا وہ راستہ دکھاتا ہے

جو کہ دشمن ہے ازلی اپنا
اس سے جو چاہے وہ بچاتا ہے

ہم اگر راستے سے بھٹک جائیں
وہ ہمیں راستے پہ لاتا ہے

اس کو آنکھوں سے کوئی دیکھ نہ سکے
اپنے عاشق کے دل میں آتا ہے

حسنِ دنیا پہ جو دھوکہ کھائے
ان کو بھی وہ ہی تو سمجھاتا ہے

یہ بھی اس کا ہی فضل ہے اے شبیر
یہ جو تو لوگوں کو بتاتا ہے

ایک ہی ہے جو کھلاتا ہے
حق کا وہ راستہ دکھاتا ہے

دىوانہ بن جائے

دل چاہے کہ بس اس کا ہی دیوانہ بن جائے
جو شمعِ حق ہے اس کا ہی پروانہ بن جائے

جو یاد سے خالی ہے اس کا دل کہاں ہے دل
وہ دل تو کچھ ہی دیر میں ویرانہ بن جائے

دل چاہے کہ بس اس کا ہی دیوانہ بن جائے

کچلے جو نفس کو دل تو کرے ذکر سے آباد
وہ دل تو معرفت کا اک خزانہ بن جائے

دل چاہے کہ بس اس کا ہی دیوانہ بن جائے
جو شمعِ حق ہے اس کا ہی پروانہ بن جائے

حسنِ ازل کا عشق جب بیان کرو شبیر
تیری یہ غزل عشق کا پیمانہ بن جائے

دل چاہے کہ بس اس کا ہی دیوانہ بن جائے

گرما ہى دىا

گرمیٔ دل نے تو گرما ہی دیا
اس کی محفل میں جو پہنچا ہی دیا

مجھ کو دیوانگی کے اس ہوش نے
رستہ محبوب کا سمجھا ہی دیا

فَاذْكُرُونِي کا جواب أَذْكُرْكُمْ
اس نے بھی یاد تو فرما ہی دیا

ہاتھ جوڑنے نے چشمِ پرنم نے
آخرش آگ سے بچا ہی دیا

گرمیٔ دل نے تو گرما ہی دیا

یعنی انسان ہاتھ جوڑے، اللہ تعالی سے توبہ کرے اور آنسو بہائے۔ تو یہ مغفرت کا ذریعہ بن جاتا ہے۔

ہاتھ جوڑنے نے، چشمۂِ چشم نے آخرش آگ سے بچا ہى دىا

گرمیٔ دل نے تو گرما ہی دیا

عقل کونے میں کھڑی حیران تھی
عشق نے راستہ بتا ہی دیا

گرمیِ دل نے تو گرما ہی دیا

سامعین کو شبیر غزل نے تیری
کشتۂ نور اک کھلا ہی دیا

گرمیٔ دل نے تو گرما ہی دیا
اس کی محفل میں پہنچا ہی دیا

میرے دل کی تپش کو جان لو نا

میرے دل کی تپش کو جان لو نا جو بات کروں وہ مان لو نا
کب تک بھلائے رکھو گے اسے اب رب اپنا پہچان لو نا

دل کب تک ویراں رکھو گے کر ذکر سے اب آباد اسے
جب نفس کرے کچھ زور تو اس پہ جہد کا چاقو تان لینا

دنیا کے بکھیڑے لاؤ نہیں جب شیخ کے حضور میں بیٹھے ہو
اس سے تو اگر ہوشیار ہے تو کیفیتِ احسان لو نا

دنیا کے لیے تو در در تو جب ہاتھ پھیلائے رکھتے ہو
تو نفس و شیطاں کے مقابل بھی اس جہد میں کچھ خاک چھان لو نا

میرے دل کی تپش کو جان لو نا جو بات کروں وہ مان لو نا

اس جگ میں کب تک بسنا ہے، ایک دن تجھے جانا ہے شبیر اس جگ کے واسطے پیارے بھائی کچھ اچھا سا سامان لو نا

میرے دل کی تپش کو جان لو نا جو بات کروں وہ مان لو نا

دنیا کھیتی ہے آخرت کی مگر پر محبت ہے پرخطر اس کی

یہ حدیث شریف میں آتا ہے نا۔ الدُّنْيَا مَزْرَعَةُ الْآخِرَةِ۔ اور حُبُّ الدُّنْيَا رَأْسُ كُلِّ خَطِيئَةٍ۔

دنیا کھیتی ہے آخرت کی مگر پر محبت ہے پرخطر اس کی
کیونکہ مطلوب نفس کی ہے یہ ہر عضو پر جو ہے اثر اس کی

دل میں یہ ہو تو پھر تباہ ہے دل اور سارے جسم کا بادشاہ ہے دل
زندگانی کے سارے مقاموں میں حال ہوتی ہے معتبر اس کی

کیسے نکلیں ہم اس کے دام سے پھر جال چاروں طرف محبت کے
جو حوصلہ چھوڑ دے عالی حوصلہ زور دیکھے جو اس قدر اس کی

مطلب اس کے دام اتنے سخت ہیں، جال اتنے سخت ہیں کہ حوصلہ مند لوگ بھی اپنا حوصلہ چھوڑ دیتے ہیں۔ مطلب۔

حوصلہ چھوڑ دے عالی حوصلہ زور دیکھے جو اس قدر اس کی

ہاں مگر ایک طریقہ ہے جس میں ہم بھی اللہ کے دیوانے بنیں

وہی ہوشِ دیوانگی والی بات۔

ہاں مگر ایک طریقہ ہے جس میں ہم بھی اللہ کے دیوانے بنیں
اس سے انجانے بنیں عشق میں اس کے، بے خودی کر دے برابر اس کی

ہے دیوانگی مطلوب شبیر أَشَدُّ حُبًّا لِلَّهِ سے ماخوذ
اس لیے یہی ہے جو ہوش کہلائے جس کو بھی مل جائے اثر اس کی

دنیا کھیتی ہے آخرت کی مگر پر محبت ہے پرخطر اس کی

طواف کے دوران۔

اللہ اکبر، وہاں سب سے بڑا عمل خانۂ کعبہ کے پاس طواف ہے۔ پھر اس کے بعد نماز ہے۔ پھر اس کے بعد اس کو دیکھنا ہے۔ یقینا طواف میں چلنا ہوتا ہے اور آج کل کا طواف تو لمبا بھی ہوتا ہے۔ رش میں بہت زیادہ مطلب ظاہر ہے چلنا پڑتا ہے۔ یعنی ایک طواف ستر اسی منٹ میں ہوتا ہے جب اوپر کرنا ہوتا ہے۔ وہ بھی اگر رش زیادہ نہ ہو تو۔ اور اگر رش زیادہ ہو تو پھر گھنٹوں پر بھی محیط ہو سکتا ہے نا۔ اس وجہ سے تھکن کا انسان خیال کر کے پھر، تو اس پر ہے۔

اے دل طواف میں کہاں تھکن کا خیال ہو
پروانہ وار گھومنا ہی تیرا ہی حال ہو

اس گھر کے ساتھ دل کا لگانا اسے مطلوب
دیکھے اسے یہاں کوئی کس کی مجال ہو

اے دل طواف میں کہاں تھکن کا خیال ہو
پروانہ وار گھومنا ہی بس تیرا حال ہو

چکر ہم اس کے گھر کے لگا سکتے ہیں جب آج
دیکھنا اُس کو اِس زندگی میں گر محال ہو

اے دل طواف میں کہاں تھکن کا خیال ہو
پروانہ وار گھومنا ہی تیرا حال ہو

وہ ىاں کے حسىنوں مىں لگائے گا کىسے دل ایماں سے اس کا جس کو مستحضرِ جمال ہو

اے دل طواف میں کہاں تھکن کا خیال ہو

تم کس کے کمالات کے دلدادہ بنے ہو
اس نے ہی دیا ہے شبیر جو بھی کمال ہو

اے دل طواف میں کہاں تھکن کا خیال ہو
پروانہ وار گھومنا ہی تیرا حال ہو

عشق اور عقل مىں تعلق

عشق دیوانگی سکھائے ہے
عقل کچھ راستہ بتائے ہے

عشق اور عقل میں تعلق ہو
ہوشِ دیوانگی پھر آئے ہے

گردِ کعبہ کے خوب گھوم جانا
یاد اس کی اگر ستائے ہے

راستہ یہ دل کا ہے اس پر جانا
تجھے محبوب سے ملائے ہے

وہ یہاں جی لگا سکے کیسے
خیال اس کا کوئی جمائے ہے

عشق دیوانگی سکھائے ہے
عقل کچھ راستہ بتائے ہے

تیرے اشعار تو موتی ہیں شبیرؔ
کون قلم پہ تیرے یہ لائے ہے

عشق دیوانگی سکھائے ہے
عقل کچھ راستہ بتائے ہے

عشق چھپا کر دىکھىں

عشق چھپانا ہے چھپا کر دیکھیں
اور اس میں کوشش خوب اپنا کر دیکھیں

عشق چھپائے کوئی کیسے ناداں
خیال اس کا بھی ذرا کر دیکھیں

عشق عاشق کے دل کی ہے آواز
کبھی تو اس کو سنا کر دیکھیں

عشق کے بول میں عشق پنہاں ہے
بول پیارے یہ ادا کر دیکھیں

عشق معشوق کا ہو منشا معلوم
پھر ذرا اس کو بھلا کر دیکھیں

مطلب یہ دیکھیں جب یہ بات سمجھ میں آ جائے کہ اللہ تم سے یہ چاہتا ہے۔ پھر اس کو آپ کیسے بھولیں گے اور آپ اس کے عاشق ہوں؟ عاشق تو معشوق کی بات نہیں بھول سکتا۔ تو جب تک اللہ کے ساتھ محبت نہیں ہو تو شریعت کے مسائل سمجھ میں نہیں آئیں گے۔ اور جب یہ ہو جائے پھر اس کے بعد سبحان اللہ پھر آپ کو نہیں کوئی بتائے گا آپ خود ہی تلاش کریں گے۔

کسی نے کہا کہ شیخ کے ساتھ محبت کیسے ہوتی ہے؟ میں نے کہا اگر محبت ہو تو یہ خود ہی سکھا دے گی۔ اگر محبت ہو تو وہ خود ہی اس کے آداب سکھا دے گی۔

عشق سے معشوق کا ہو منشا معلوم
پھر ذرا اس کو بھلا کر دیکھیں

یہی ادراک ہوشِ دیوانگی ہے
شبیرؔ اس کو تو لا کر دیکھیں

عشق چھپانا ہے چھپا کر دیکھیں

کچھ مزدور وہاں پر جو کام کر رہے ہیں حرم شریف میں، تو وہ ظاہر ہے لیٹے ہوئے تھے، وہ جو باہر صحن ہوتے ہیں۔ صبح یا نماز سے آ رہے تھے۔ ان کو دیکھا تو اس پہ یہ اشعار آئے۔

آج مزدور حرم کے دیکھے
کچھ تو جاگے اور کچھ لیٹے

تھکے ہارے بوٹ اتارے سب نے
کچھ سو رہے تھے اور تھے کچھ بیٹھے

کچھ ناشتہ کر رہے تھے باجماعت
اور کچھ کو دیکھا کہ وہ تنہا تھے

ایک رنگ کپڑے ایک ماحول میں سب
جدا جدا تھے سب کے رنگ اپنے

کاش ان کو قریب کر لیں ہم
کہ ہر ایک ان میں صحیح دین پر چلے

کہ ہر ایک ان میں اصل میں وہ پاکی ناپاکی کا بالکل پروا نہیں کر رہے تھے، اس طرح لیٹے ہوئے تھے، کپڑے ان کے گندے ہو رہے تھے۔ تھکے ہوئے بے شک تھے لیکن ظاہر ہے ان تمام چیزوں کا خیال تو رکھنا ہوتا ہے نا۔ دین تو مطلب آزادی کا نام نہیں ہے، پابندی کا نام ہے۔ تو یہ اس پر یہ بات آئی تھی۔

کاش ان کو قریب کر لیں ہم
کہ ہر ایک ان میں صحیح دین پہ چلے

ہاتھ مزدور کا جو چوما ہے آپ نے
کیوں سنتیں نہ اپنائیں آپ کے

حرمِ پاک کی اس قربت میں
کوئی مزدور بھی محروم نہ رہے

راہِ ادب کی حرم کی جانب ہو
اور مطابق اس کے سب کام کریں

یہاں کے قرب کی نماز کے لیے
پاکی ناپاکی کو بھی خوب جانیں

ان کے یہاں رہنے پہ شبیرؔ پھر تو
بلاشبہ سب کو رشک ہو جائے

اصل میں مسئلہ یہ ہے کہ وہاں کا قرب ضروری نہیں کہ سب کے لیے ٹھیک ہو۔ جب تک عشق نہیں ہو گا، محبت نہیں ہو گی قرب سے مسائل بھی ہو سکتے ہیں۔ کیونکہ ظاہر ہے بے ادبی ہو گی، بے پروائی ہو گی، غفلت ہو گی، مسائل ہوں گے۔ کسی سے اگر ایک روپیہ کا نوٹ گر گیا نقصان ہے۔ پانچ کا گر گیا پھر بھی نقصان ہے۔ دس کا گر گیا پھر بھی نقصان ہے۔ ڈالر گر گیا پھر بھی نقصان ہے۔ پاؤنڈ گر گیا پھر بھی نقصان ہے۔ دینار گر گیا پھر بھی نقصان ہے۔ لیکن کیا یہ سارے نقصان برابر ہیں؟

تو کسی کی ستائیس نمازیں خراب ہو گئیں۔ کسی کی ایک لاکھ نمازیں خراب ہو گئیں۔ کسی کی ستائیس لاکھ نمازیں خراب ہوئیں، بتاؤ نقصان سب کا برابر ہے؟

تو شیطان پیچھے لگا ہوتا ہے وہ ان کی اتنی بڑی چیز کو ضائع کروا دیتا ہے۔ تو صرف وہاں پہنچنا ہی نہیں ہے، نہیں ہے بلکہ وہاں پہنچ کر صحیح طور پہ کام بھی کرنا ہے۔ تو یہ مطلب ان کیفیات کے ساتھ تھی۔

فضل سے تیرے میں کعبے کا یہ دیکھتا ہوں نظارہ
خدایا ایسا بن جاؤں کہ تجھ کو میں لگوں پیارا

بچا لے مجھ کو شیطاں سے کہ ہے یہ پیچھے پڑا میرے
مدد تیری نہ ہو، ظالم نہ مجھ کو لوٹ لے سارا

نفس میرا ہے سرکش ہو خدایا تربیت اس کی
میں جانوں کامیاب وہ ہے کہ جس نے اس کو سنوارا

قَدْ أَفْلَحَ مَنْ زَكَّاهَا۔

نفس میرا ہے سرکش ہو خدایا تربیت اس کی
میں جانوں کامیاب وہ ہے کہ جس نے اس کو سنوارا

میں عاجز تیرے در پہ بار بار آتا رہوں یہاں پر
پڑا ہوں تیرے در پر میں تنم فرسودہ جاں پارہ

طفیل اس رحمتوں کے گھر کے مانگے یہ عاجز تجھ سے
تیرا بندہ بنے یا رب ہمیش شبیرؔ بیچارا

جس وقت ہم آ رہے تھے طوافِ وداع کر چکے تھے تو وہاں پر بیٹھے تھے نماز کے لیے۔ تو یہ ظاہر ہے وہ بہت غم کی کیفیت ہوتی ہے۔ تو اس میں مطلب یہ اشعار آئے تھے۔

غمِ فرقت

فراقِ کعبہ میں بیٹھا ہوں سر جھکائے ہوئے
نظر وداعی ہے بادل ہیں غم کے چھائے ہوئے

خدا کرے کہ یہاں آنا آخری نہ ہو آج
طلب نگاہ میں ہے دل میں وہ سمائے ہوئے

فراقِ کعبہ میں بیٹھا ہوں سر جھکائے ہوئے

دل رو رہا ہے محبت میں آج کعبہ کے
لرز رہے ہیں ہونٹ فرقت کے غم چھپائے ہوئے

فراقِ کعبہ میں بیٹھا ہوں سر جھکائے ہوئے

یہ جو نقشہ ہے مجازی، ہے حقیقت میں ایک
ایک تسلی ہے محبت کی دل پہ آئے ہوئے

فراقِ کعبہ میں بیٹھا ہوں سر جھکائے ہوئے

کیا کوئی دنیا میں موجود ہے پروانوں کی مثال
گرد کعبہ کے جو چکر ہیں آج لگائے ہوئے

فراقِ کعبہ میں بیٹھا ہوں سر جھکائے ہوئے

عشقِ دنیا کی یہ نادر مثال دیکھ شبیرؔ
تو نے جانا ہے آج یاں سے زخم کھائے ہوئے

فراقِ کعبہ میں بیٹھا ہوں سر جھکائے ہوئے

کچھ فارسی کلام بھی ہو گیا تھا الحمد للہ۔ یہ بھی بالکل آخری وقت میں۔

اساسِ دین (بزبانِ فارسی)

مرکزِ وحدت و توحید کعبۃ اللہ است
مرکزِ رشد و ہدایت رسول اللہ است

چو می خواہم ہدایت از خدا مشکل ایں نیست
من کہ در دستِ خود دارم کتاب اللہ است

مرکزِ وحدت و توحید کعبۃ اللہ است

ما را قربانی برائے دین مشکل کجا است
من کہ دارم جد از اجداد ذبیح اللہ است

مرکزِ وحدت و توحید کعبۃ اللہ است

در ایں دنیا چہ میدانی خوشبختیِ مؤمن
واں کہ تقویٰ ہمی دارد ولی اللہ است

مرکزِ وحدت و توحید کعبۃ اللہ است

ایمان اور تقویٰ جمع ہو جائے تو ولی اللہ ہے۔

خُذْ کِتَابَ اللہ بِقُوَّۃٍ وَخُذْ ہُدًی مِنْہُ
فہمِ قرآن و تربیت از رجال اللہ است

مرکزِ وحدت و توحید کعبۃ اللہ است

چہ میدانی شبیر گفتن غزل در فارسی شبیرؔ
ایں یقینا برکت از نورِ بیت اللہ است

مرکزِ وحدت و توحید کعبۃ اللہ است

اس کا میں نے ترجمہ بھی منظوم کیا ہے۔

ہمارا مرکزِ توحید تو بیت اللہ ہے
منبعِ رشد و ہدایت رسول اللہ ہے

خدا نے بھیج دیا ہے جو ہدایت کے لیے
رسول کے ساتھ ایک کتاب، کتاب اللہ ہے

ہم کیوں نہ دین کے لیے جانیں قربانی دینا
اپنے اجداد میں ایک جد کہ ذبیح اللہ ہے

پوچھنا خوشبختی کیا مؤمن کی ہے اس دنیا میں
وہ اگر تقویٰ بھی رکھے تو ولی اللہ ہے

خُذْ کِتَابَ اللہ بِقُوَّۃٍ اور تربیت کے لیے
پکڑ شبیر جو یکے از رجال اللہ ہے

ہمارا مرکزِ توحید تو بیت اللہ ہے

یہ ایک نعت الحمد للہ فارسی میں اللہ تعالیٰ نے کہلوائی۔ اللہ تعالی قبول فرمائے۔

ام از ادنیٰ غلامانِ محمد
یکے عاجز مداح خوانِ محمد

نہ دانم مرتبۂ او ولیکن
سرم افگندہ از احسانِ محمد

ام از ادنیٰ غلامانِ محمد

ہدایت است در قرآن موجود
و تشریح است ز فرمانِ محمد

ام از ادنیٰ غلامانِ محمد

برائے جانِ من جانم سلامے
درود بر روح و جانِ محمد

ام از ادنیٰ غلامانِ محمد

منم یک امتی شبیرؔ گوید
دلست پیش کردم در شانِ محمد

ام از ادنیٰ غلامانِ محمد

یہ جب ہم جا رہے تھے مکہ مکرمہ سے مدینہ منورہ تو بس چل رہی تھی۔ ظاہر ہے بس جا رہی تھی۔ اور مکے میں تو پہاڑ ہی ہیں۔ تو پہاڑوں کے درمیان سے، کبھی سرنگوں سے مطلب جا رہی تھی۔ تو دل پہ جذبات الوداعی تھے۔

مکے کے پہاڑوں پہ نظر ڈال وداعی
توبہ سے مٹا دے تو گناہوں کی سیاہی

ایک عشق کی دنیا میں تو رہتا رہا چند دن
اب اس کے فضل سے تو مدینے کا ہے راہی

مکے کے پہاڑوں پہ نظر ڈال وداعی

بار بار قلم رکتا ہے سایۂ سرنگ سے
رکنا نہیں لکھنے سے اے قلم کے سپاہی

مکے کے پہاڑوں پہ نظر ڈال وداعی

دل کے حرم میں رکھنا یہ یادیں حرم کی آج
دریا میں ان یادوں کے کبھی چل مثلِ ماہی

مکے کے پہاڑوں پہ نظر ڈال وداعی

دل میں ہو اگر عشق تو بنے نفس غلام اس کا
عشق درست ہو تو شبیرؔ پھر تو کرنا من چاہی

مکے کے پہاڑوں پہ نظر ڈال وداعی
توبہ سے مٹا دے تو گناہوں کی سیاہی

اللہ کا شکر ہے الحمدللہ مدینہ منورہ پہنچ گئے۔ اور آپ صلی اللہ علیہ وسلم کے روضۂ پاک پر حاضر ہوئے۔ وہاں جو جذبات بنے وہ بھی الحمدللہ ادھر ہی الحمدللہ، اللہ کا شکر ہے لکھ دیے۔

سلام کر لو روضۂ پاک ہے آپ سنتے ہیں سلام اپنا
ادب کی جا ہے ادب ہے کرنا نہ ٹیڑھا کر لو تو جام اپنا

قبر میں جتنے ہیں انبیاء ہیں وہ اپنی قبروں میں ہیں سارے زندہ
یہی عقیدہ ہے دیوبند کا سجاؤ اس سے کلام اپنا

سلام کر لو روضۂ پاک ہے آپ سنتے ہیں سلام اپنا

تو امتی ہے رسول اللہ کا خدا کا بندہ تو بالیقیں ہے
خدا سے مانگنا ہے ہر جگہ پہ اسی سے نکلے گا کام اپنا

خدا سے مانگنا یعنی مانگنا کس سے؟ اللہ سے۔

خدا سے مانگنا ہے ہر جگہ پہ اسی سے نکلے گا کام اپنا

سلام کر لو روضۂ پاک ہے کہ آپ سنتے ہیں سلام اپنا

خدا کا محبوب ہے آپ تو پھر خدا نے کیا کچھ دیا نہ ہوگا
تو یہ سمجھ کر ادب سے کر لے یہاں پہ سیدھا نظام اپنا

سلام کر لو روضۂ پاک ہے کہ آپ سنتے ہیں سلام اپنا

خدا کو محبوب طریقہ آپ کا بنو گے محبوب اس پہ چل کے
کرے محبت جو آپ سے شبیرؔ، تو شامل ان میں کر نام اپنا

سلام کر لو روضۂ پاک ہے کہ آپ سنتے ہیں سلام اپنا

خدا ہی جانے ہے کون جانے ہے مقام ان کا۔

یہ بھی ادھر ہی ہوا ہے الحمدللہ۔

خدا ہی جانے ہے کون جانے ہے مقام ان کا
خدا کے ساتھ لیا جاتا ہے جو نام ان کا

وَرَفَعْنَا لَكَ ذِكْرَكَ۔

یہ اللہ پاک کی طرف سے جب آ گیا قرآن میں تو وحی آئی آپ صلى الله عليه وسلم پر کہ جبرائیل عليه السلام نے کہا کہ اللہ پاک فرماتے ہیں، إِذَا ذُكِرْتُ ذُكِرْتَ مَعِي۔ جہاں میرا ذکر کیا جائے گا وہاں تیرا بھی ذکر ہوگا۔

خدا ہی جانے کون جانے ہے مقام ان کا
خدا کے ساتھ لیا جاتا ہے جو نام ان کا

خدا نے جس لیے بھیجا ہے وہ کیا ہوگا

جس کام کے لئے بھیجا ہے۔ دیکھیے اتنی بڑی ہستی کو جس کام کے لیے بھیجا ہوگا وہ کونسا کام ہوگا

خدا نے جس لیے بھیجا ہے وہ کیا ہوگا
وہ کون ہوں گے کہ جن کو ملا ہے کام ان کا

وہ کیسے لوگ ہیں احساسِ کمتری میں لت پت
پسند جن کو نہیں ہے کبھی نظام ان کا

کہ جن کا نام محمد ہے تو ان کی تعریف
کروں گا جو بھی بیاں وہ ہی ناتمام ہوگا

خدا ہی جانے کون جانے ہے مقام ان کا

شبیر ساتھیوں کے ساتھ ہے حاضر یہاں پر
ان کے دربار میں قبول ہو سلام ان کا

خدا ہی جانے کون جانے ہے مقام ان کا

اللہ کا شکر ہے الحمد للہ وہاں پر قدموں میں بار بار الحمد للہ حاضری ہوتی رہی۔ تو اس وقت جو کیفیات بنتی رہیں وہ میں لکھتا رہا۔

مجھے یا رب رسول اللہ کی محبت ہو نصیب
کہ ان کے در پہ آ پڑا ہوں میں حقیر و غریب

آپ کے در کی برکتیں مجھے نصیب رہیں
مجھ کو شیطان و نفس دے نہ سکے کوئی فریب

مجھ کو اس در کی برکات سے آشنا کر دے
پھر اپنے فضل سے مجھ کو کرے اب اس کے قریب

کوئی اس در کے علاوہ نظر رکھے اور پر

یعنی مخلوقات میں، اللہ تعالی پہ تو سب کو۔۔۔

کوئی اس در کے علاوہ نظر رکھے اور پر
یہ کام کاموں میں لگتا ہے بہت زیادہ عجیب

کسی کو پڑھنا ہو شبیرؔ اس کے بارے میں
وہ پڑھے شوق سے نَشْرُ الطِّيبِ فِي ذِكْرِ الْحَبِيبِ

یہ حضرت تھانوی رحمۃ اللہ علیہ کی کتاب ہے سیرت پر۔

میرے دل کی خوشی کا ہے کیا کہنا کہ ہوں آیا دیارِ حبیب میں

میرے دل کی خوشی کا ہے کیا کہنا میں ہوں آیا دیارِ حبیب میں مجھے ناز ہے اپنے مقدر پہ کہ تھا آنا یہاں پہ نصیب میں

مجھے قربِ حبیب عطا کیا کیا خبر میرے دل کو کیا کیا
یہ کرم ہے خدا کا فقط ورنہ خوبی کیا تھی مجھ سے غریب میں

میرے دل کی خوشی کا ہے کیا کہنا کہ ہوں آیا دیارِ حبیب میں
میں بصیغۂ حاضر سلام کہوں میرے آقا یہاں خود سنتے ہیں

یعنی یا رسول اللہ کہنا وہیں مزہ آتا ہے نا۔

میں بصیغۂ حاضر سلام کہوں میرے آقا یہاں خود سنتے ہیں
میں ہوں مسجدِ نبوی میں بیٹھا جو یہی فرق ہے دور و قریب میں

میرے دل کی خوشی کہے کیا کہنا کہ ہوں آیا دیارِ حبیب میں
مجھے کہنا ہے کیا کہوں کیسے کہ آسان نہیں فیصلہ اس کا

میرا گنگ زباں ہے قلم خموش میں ہوں کیفیت اک عجیب میں
میرے دل کی خوشی کا ہے کیا کہنا کہ ہوں آیا دیارِ حبیب میں

اس جگہ کی عظمتوں کا کیا کہوں کہ خدا کا حبیب یہاں پر ہے
کہ کتنا ہے فراز مقام شبیرؔ ان کا میں پڑا ہوں نشیب میں

میرے دل کی خوشی کہے کیا کہنا میں ہوں آیا دیارِ حبیب میں

دوری کا تحمل بھی نہیں ہے مجھے یارب

دوری کا تحمل بھی نہیں ہے مجھے یارب
اتنی بڑی جگہ کا بھی میں جان لوں ادب

آدابِ قرب سے کہیں محروم نہ ہو جاؤں
میں جانتا کہاں ہوں کہ آؤں دوبارہ کب

میں قیمتی وقت یہ کہیں ضائع نہیں کروں
تیزی سے گزرتے ہیں الہی یہ روز و شب

میں عشق کی دنیا کا بھی تیراک بنوں یاں
جھڑ جائیں میرے نفس کے رذائل یہاں پہ سب

اور دل کی ہدایت کا بھی سامان ہو نصیب
شبیرؔ ان سب پہ رضا تیری ہو طلب

اصل میں جتنی اونچی جگہ ہوتی ہے نا تو وہاں لکھنے میں انسان قلم بھی تو سنبھال نہیں سکتا نا، تھوڑا بہت آگے پیچھے ہو جاتا ہے۔ تو بہرحال جتنا اللہ تعالی نے لکھوا دیا۔

زہے نصیب ہے قدموں میں پہنچ گیا ہوں میں

زہے نصیب کہ قدموں میں پہنچ گیا ہوں میں
کہ آج قدموں میں آقا کے یہاں بیٹھا ہوں میں

میں کیا اور میری اوقات کیا اور کیا میں کہوں
جو آپ کے قدم ہوں نصیب تو بادشاہ ہوں میں

آپ کے نقشِ قدم پر مجھے چلنا ہو نصیب
عظیم مقام پہ یوں آج دست بدعا ہوں میں

میں دل سے آپ کی سنت پہ چلنا چاہوں ہمیش
بدون اس کے کہوں یہ بے دست و پا ہوں میں

میں کہاں نعت کہوں میری کیا جرأت ہے شبیرؔ
مگر ہوں دل سے میں مجبور کچھ لکھتا ہوں میں

زہے نصیب کہ قدموں میں پہنچ گیا ہوں میں

دل عشق سے ہے مجبور تو لکھ دی ہیں یہ سطریں

دل عشق سے ہے مجبور کہ لکھ دی ہیں یہ سطریں خجلت سے مگر اٹھ کہاں سکتی ہیں یہ نظریں

اشکوں کی زباں بہتر ہے اس سے ہوں میں گویا
یہ کون سا مقام ہے زباں سے کروں باتیں

اللہ ہی جانتا ہے مقام آپ کا وہی
کہہ سکتا ہے اس باب میں کہ آپ کیا ہیں

مخلوق میں کوئی بھی ہے برتر نہیں آپ سے
یہ مختصر ہی بات ہے اگر ہم کچھ کہہ سکیں

اللہ کی توحید سے دل اپنا ہو منور
اور آپ کی محبت کی ملیں نور کی کرنیں

اللہ ہی معطی ہیں شبیرؔ ان سے مانگ لیں
اور آپ ہیں قاسم وسیلہ آپ کا ہم دیں

کیا حقیقت ہے

آپ کی تعریف میں بات میری ٹاٹ کا پیوند
آپ کی بات کہ بے شک ہے ہر اک حال میں بلند

ہم کہاں آپ کہاں بات کروں کیسے کروں
مجھ کو ڈر ہے ملے نہ اس میں میرے نفس کا گند

عشق تو یہ ہے کہ میرے نفس کی کوئی بات نہ چلے
وہی پسند ہو میرا جو کہ آپ کی ہے پسند

عشق الفاظ کا ہیر پھیر نہیں ہے یہ تو
دینا دل اپنا کسی اور کا راہ ہو نفس کا بند

یہ تو مسجدِ نبوی کے ہیں انوارات شبیرؔ
ورنہ اپنا قلم تو بانجھ تھا اور راستہ بند

جس نے اپنا کاسۂ دل پیشِ جاناں کر دیا

جس نے اپنا کاسۂ دل پیشِ جاناں کر دیا
جینا اس نے اپنے واسطے خود ہی آساں کر دیا

ہو گیا تیار مومن جب سے مرنے کے لیے
تو خدا نے اس کا پھر جینے کا ساماں کر دیا

جس نے اپنا کاسۂ دل پیشِ جاناں کر دیا
جینا اس نے اپنے واسطے خود ہی آساں کر دیا

کہتے ہیں اگر امن چاہتے ہو تو لڑائی کے لیے تیار رہو۔ موت کے لیے تیاری جینا ہے۔ جو موت کے لیے تیار نہیں وہ جی نہیں سکتا۔ یہ والی بات ہے۔

اس کو تاجِ زیست پہنایا ہمیشہ کے لیے
جس نے اپنے سر کو اس کے واسطے قرباں کر دیا

ہے حجابِ تردامنی کا خیال توبہ کر لے تو
عفو کو توبہ قبول کرنے سے عیاں کر دیا

جس نے اپنا کاسۂ دل پیشِ جاناں کر دیا

ہو گیا وہ اس کا جو خود بن گیا اس کا شبیرؔ
کیا ہے نسبت ان سے اس نے مجھ کو حیراں کر دیا

جس نے اپنا کاسۂ دل پیشِ جاناں کر دیا

صحیح بات ہے۔ اس پر انسان حیران ہو جاتا ہے کہ اللہ پاک فرماتے ہیں فَاذْكُرُونِي أَذْكُرْكُمْ۔ یعنی کہاں ہماری یاد اور کہاں اللہ کی یاد۔ کہ اللہ ہمیں یاد رکھے معمولی بات تو نہیں ہے۔ پھر یہ بات ہے کہ یہ وہ مَنْ كَانَ لِلَّهِ كَانَ اللَّهُ لَهُ۔ جو اللہ کا ہو گیا اللہ اس کا ہو گیا۔ ہماری تو کوئی حیثیت ہی نہیں ہے۔ تو اللہ تعالی تو اللہ ہیں۔ تو اب اگر ہم اپنی جان دے دیں اور اللہ کے بن جائیں اور اللہ ہمارا ہو جائے۔ تو سستا سودا ہے یا نہیں؟ تو اس میں یہی بات ہے۔

اس کو تاجِ زیست پہنایا ہمیشہ کے لیے
جس نے اپنے سر کو اس کے واسطے قرباں کر دیا

ہو گیا وہ اس کا جو خود بن گیا اس کا شبیرؔ
کیا ہے نسبت ان سے اس نے مجھ کو حیراں کر دیا

غیر پھر کیا چیز ہے اس کے لیے کچھ بھی نہیں
جس نے اپنے دل میں ذاتِ بحت کو مہماں کر دیا

جس قدر اعراض ان کی یاد سے جس نے بھی کی
اس قدر دل اپنا جانو اس نے ویراں کر دیا

الہی پہنچے رسول اللہ کو درود تو بہتر ہو کام اپنا

الہی پہنچے رسول اللہ کو درود تو بہتر ہو کام اپنا
ہم اپنے دل میں محبت آپ کی رکھیں تو بن جائے کام اپنا

حبیب اللہ ہیں رسول اللہ ہیں خدا کے محبوب نبی ہمارے
طریق ان کا ہے کامیابی نظام ان کا نظام اپنا

ہم ان کو چاہیں گے خود سے زیادہ یہی ہے ایمان کا تقاضا
درود ان پر سلام ان پر وظیفہ یہ ہو صبح شام اپنا

جو پیاری ہر ایک ہے ان کی نسبت قدر کریں ہم ان نسبتوں کی
صحابہ پیارے اور اہلِ بیت بھی کہ سب کا اعلی مقام اپنا

کہا میں تعریف کروں گا ان کی یہ ایک کوشش شبیرؔ کی ہے
ہے چاہتا لکھنا مدح خوانوں میں اسی طریقے سے نام اپنا

دل کو کچھ یاد ہے اس یاد کو باقی رکھنا

دل کو کچھ یاد ہے اس یاد کو باقی رکھنا
غیر کو چھوڑ دے اور لاج تو اس کی رکھنا

دل کو میثاقِ الست یاد ہے پر نفس تیرا
ہے شریر اس کو دبا اس کو سلامی رکھنا

دل کو کچھ ذکر سے مانوس کرو تو آگے
رہ جانے کا خود ہی فکرِ آگہی رکھنا

یہ ہے دیوانہ مگر نفس کی شرارت سے
بھول جاتا ہے تھوڑا نفس پہ پیر بھی رکھنا

خود سے ہوتا کہاں یہ رہبر کو ساتھ لے شبیرؔ
وہ جو کہتا ہے دل کے کان اس پہ ہی رکھنا

سحری کا وقت تھا، روزہ تھا عاشورے کا۔ تو ہمارے ساتھی تھے اس کو میں نے ویسے اس شعر میں کہا۔

خوش قسمتی سے مدینے کا ہے سحر ساقی
گلاس میرا بھی پانی سے ذرا بھر ساقی

یہ میں نے ویسے کہہ دیا۔ یہ ذہن میں تھا تو جب مسجدِ نبوی پہنچ گیا تو اس سے الحمدللہ پوری غزل بن گئی اس نے رُخ ہی دوسرا اختیار کر لیا۔

خوش قسمتی سے مدینے کا ہے سحر ساقی

خوش قسمتی سے مدینے کا ہے سحر ساقی
گلاس میرا بھی پانی سے ذرا بھر ساقی

میں چپ ہوں بیٹھا مگر کم نہیں طلب میں ہوں
میں گو قابل نہیں مجھ پر بھی ہو نظر ساقی

عشق دیوانگی تو یہ بھی عقل سے ملا دینا
دل کی دنیا کو ذرا کر دے معطر ساقی

عقلِ مدہوش جو دنیا میں ہے اس سے بچ جاؤں
ہوشِ دیوانگی سے کچھ بھی نہیں ڈر ساقی

ہاں تشنگی اگر عرفان کی کسی کو ہو

دیکھو پانی کے ساتھ معاملہ مل گیا نا تشنگی۔ اخیر میں اللہ پاک نے۔

ہاں تشنگی اگر عرفان کی کسی کو ہو
اس شاعری میں بہت زیادہ ہے اثر ساقی

خوش قسمتی سے مدینے کا ہے سحر ساقی
گلاس میرا بھی پانی سے ذرا بھر ساقی

یہ آخری ایام میں۔

قلم بھی رک سا گیا ہے زباں بھی رک سی گئی

قلم بھی رک سا گیا ہے زباں بھی رک سی گئی
ملی مدت کہ یہاں رہنے کی جو ختم ہوئی

میں جانتا ہوں کہ قابل نہیں یہاں کا ہوں
مگر جو دل کی تھی وہ بات تو دل میں ہی رہی

شکرِ خدا کا کہ لمحات ملے چند یاں کے
اگرچہ ہم سے تو اعمال میں سستی ہی ہوئی

دست بدعاہے نہ ہو آخری آنا میرا یہ
آخری بار تو مرقد بنے یہاں پہ میری

آخری دن ہے اور رخصت ہو گئے حجاج بہت
اب تو خالی سا نظر آتا ہے مسجدِ نبوی

اپنا دل چھوڑ کے رخصت ہوئے جاتے ہیں ہم
دل ہے کہ ڈوبا سا جاتا ہے ہے آنکھوں میں نمی

کاش دل میرا ہو قبول میں ہو جاؤں قبول
قبر میں مسکراہٹ آئے نظر پیار بھری

اور اشارہ یہ ملے چھوڑ دے شبیرؔ ہے میرا
ہے تو میرا ہی دیوانہ گو نالائق ہی سہی

قلم بھی رک سا گیا ہے زباں بھی رک سی گئی

علاوہ نعت مدینے میں لکھوں اور کیا میں

علاوہ نعت مدینے میں لکھوں اور کیا میں
ہم مدینے میں تو اس نعت سے سب کچھ پائیں

آپ ہی کے لیے سجائی گئی ہے کائنات
ہم بھی کچھ اشکِ محبت کے یہاں برسائیں

آپ خالق کے ہیں محبوب تو کیا ہوں گے آپ
ثانی پھر آپ کا تصور میں ہم کیسے لائیں

ہم تو بس عجز کا اظہار کریں اس میں یہ
یہی کافی ہے اس میں اور نہ آگے جائیں

حاصلِ غزل بلکہ میرے خیال میں اس پوری مجلس کا حاصلِ شعر وہ باقی رہتا ہے پھر اس کے بعد ہم ذکر کرتے ہیں۔

خود خدا ہی کر سکے آپ کی ثناء اے شبیرؔ
وہی جانے ہے محمد کو ہم کیا جانیں

علاوہ نعت کے مدینے میں لکھوں اور کیا میں
ہم مدینے میں تو اس نعت سے سب کچھ پائیں