اَلْحَمْدُ لِلّٰهِ رَبِّ الْعٰلَمِیْنِ
الصَّلَاةُ وَالسَّلَامُ عَلیٰ خَاتَمَ النَّبِیِینِ۔
اَمَّا بَعْدُ فَاَعُوذُ بِاللہِ مِنَ الشَّیْطٰنِ الرَّجِیْمِ
قُلْ اِنْ کُنْتُمْ تُحِبُّوْنَ اللہَ فَاتَّبِعُوْنِیْ یُحْبِبْکُمُ اللہُ ۔
وَ قَالَ سَلْمَانَ رضِی اللہُ تعالیٰ عنه قَالَ خَطَبَنَا رَسُوْلُ اللہِ صَلَّی اللہُ عَلَیْه وَسَلَّمَ فِیْ اٰخِرِ یَوْمٍ مِّنْ شَعْبَانَ فَقَالَ یٰاَیُّهَا النَّاسُ قَدْ اَظَلَّکُمْ شَهْرٌ عَظِیْمٌ شَهْرٌ مُّبَارَكٌ شَهْرٌ فِیْهِ لَیْلَةٌ خَیْرٌ مِّنْ اَلْفِ شَهْرٍجَعَلَ اللہُ صِیَامَه فَرِیْضَةً وَ قِیَامَ لَیْلِه تَطَوُّعًا مَنْ تَقَرَّبَ فَیْهِ بِخَصْلَةٍ مِّنَ الْخَیْرِ کَانَ کَمَنْ اَدّٰی فَرِیْضَةً فِیْمَا سِوَاهُ وَمَنْ اَدّٰی فَرِیْضَةً فِیْهِ کَانَ کَمَنْ اَدّٰی سَبْعِیْنَ فَرِیْضَةً فِیْمَا سِوَاهُ وَهُوَ شَهْرُ الصَّبْرِ وَ الصَّبْرُ ثَوَابُهُ الْجَنَّةُ وَ شَهْرُ الْمُوَاسَاةِ وَ شَهْرٌ یُّزَادُ فِیْهِ رِزْقُ الْمُؤْمِنِ مَنْ فَطَّرَ فِیْهِ صَآئِمًا کَانَ لَهٗ مَغْفِرَةٌ لِّذُنُوْبِہٖ وَ عِتْقُ رَقَبَتِه مِنَ النَّارِ وَ کَانَ لَه مِثْلُ اَجْرِه مِنْ غَیْرِ اَنْ یَّنْتَقِصَ مِنْ اَجْرِه شَیْءٌ ۔ قُلْنَا یَا رَسُوْلُ اللہِ لَیْسَ کُلُّنَا نَجِدُ مَا نُفَطِّرُ بِهِ الصَّٓائِمَ فَقَالَ رَسُوْلُ اللہِ صَلَّی اللہُ عَلَیْہِ وَ سَلَّمَ یُعْطِی اللہُ هٰذَا الثَّوَابَ مَنْ فَطَّرَ صَآئِمًا عَلیٰ مَذْقَۃِ لَبَنٍ اَوْ تَمْرَةٍ اَوْ شَرْبَةٍ مِّنْ مَّآءٍ وَّ مَنْ اَشْبَعَ صَٓائِمًا سَقَاهُ اللہُ مِنْ حَوْضِیْ شَرْبَةً لَّا یَظْمَأُ حَتّٰی یَدْخُلَ الْجَنَّةَ وَ هُوَ شَهْرٌ اَوَّلُه رَحْمَةٌ وَّ اَوْسَطَه مَغْفِرَهٌ وَّ اٰخِرُه عِتْقٌ مِّنَ النَّارِ وَ مَنْ خَفَّفَ عَنْ مَمْلُوْکِه فِیْهِ غَفَرَ اللہُ لَه وَ اَعْتَقَه مِنَ النَّارِ۔
اَعُوذُ بِاﷲِ مِنَ الشَّیْطٰنِ الرَّجِیْمِ۔ بِسْمِ اﷲالرَّحْمٰنِ الرَّحِیْمِ
یٰٓاَیُّهَا الَّذِیْنَ اٰمَنُوْا کُتِبَ عَلَیْکُمُ الصِّیَامُ کَمَا کُتِبَ عَلَی الَّذِیْنَ مِنْ قَبْلِکُمْ لَعَلَّکُم تَتَّقُوْنَ
صَدَقَ اللہُ الْعَلِی الْعَظِیْمُ وَ صَدَقَ رَسُوْلُهُ النَّبِیُّ الْکَرِیْمُ۔
عزتمندو میاندو، خویاندو، مشرانو، کشرانو اؤ خوږو همزولو!
دَ رمضان شریف آمد بالکل ډېر نزدې دے اؤ ماشاء الله دا مبارکه میاشت بالکل یو څو ورځو کښې ماشاء الله راتلونکے ده اؤ ان شاء الله کهٔ دا مونږ ته ملاؤ شوه نو مونږ به یقیناً ډېر زیات خوش نصیب یُو ځکه چې دَدې دعا حضورﷺ پهٔ هغه وخت کښې کړے وه پهٔ کوم وخت کښې چې حضورﷺ دَ رجب میاشت ولیده۔ نو پهٔ هغې باندې ېٔ دا دعا وکړه چې یا الله پهٔ رجب اؤ شعبان کښې مونږ دپاره برکت واچوې اؤ مونږه رمضان شریف ته ورسوې۔ نو مونږه هم دا دعا غواړو دَ الله پاک نه چې الله پاک دې مونږه رمضان شریف ته ورسوی اؤ دَ هغې برکات مونږ ته نصیب شی۔ دَ حضور پاک ﷺ الفاظو نه جامع الفاظ دَ بل چا الفاظ نهٔ شی کېدے۔ پهٔ دې وجه باندې هغه خطبه چې مونږه مخکښې هم بیان کړے ده، دَ هغې خطبې پهٔ ذریعه باندې مونږ بیا یاد دهانی کوؤ چې دَدې مونږ ته مزید فائده حاصله شی۔ نو پهٔ دې کښې چې حضور پاکﷺ چې کومه خطبه ورکړے وه پهٔ دې کښې ېٔ فرمائیل۔ تاسو دا بالکل دَ زړهٔ پهٔ غوږو باندې واؤریٔ ډېره اهمه خطبه ده۔ اے خلقه ډېر ژر پهٔ تاسو باندې دَ یو عظیمې میاشتې سېورې خورېدونکے دے۔ دا میاشت مبارکه میاشت ده اؤ دا داسې میاشت ده چې پهٔ دې کښې یوه شپه داسې ده چې هغه دَ زرو میاشتو نه افضله شپه ده۔ دا دَ حضور پاکﷺ الفاظ مبارک دی اؤ الله جل شانهُ پهٔ قرآن پاک کښې هم دَ دې پهٔ باره کښې فرمائیلې دی اِنَّآ اَنزَلنٰهُ فِی لَیلَةِ القَدرِ وَمَا اَدرٰكَ مَا لَیلَةُ القَدرِ لَیلَةُ القَدرِ خَیرٌ مِّن اَلفِ شَهرٍ بېشکه مونږه نازل کړو دا قرآن پهٔ لیلة القدر کښې اؤ تاسو ته څهٔ پته ده چې لیلة القدر څهٔ ته وائی۔ لیلة القدر خو داسې شپه ده چې هغه دَ زرو میاشتو نه افضله ده۔ الله پاک هم دا فرمائی چې لیلة القدر دَ زرو میاشتو نه افضله ده۔ دَ دې مطلب څهٔ شو؟ زرو میاشتو نه درے اتیا کاله جوړیږی۔ یعنی کهٔ درے اتیا کاله پهٔ هره شپه کښې یو ځل سبحان الله ووائی نو دا داسې ده لکه چې پهٔ هغه شپه کښې یو ځل سبحان الله ووائی بلکې دَ هغې ثواب دَ هغې نه هم زیات دے دَ زرو شپو نه۔ دغه شان کهٔ څوک دوه رکعته نفل پهٔ دې شپه کښې وکړی نو دا داسې دی لکه چې زر میاشتې مسلسل پهٔ هره شپه کښې دوه رکعته کړے وی۔ تاسو سوچ وکړیٔ چې دا څومره لوئے ثواب جوړیږی۔ نو دا درے اتیا کاله مثال پهٔ طور کهٔ چا یو شپه ومونده نو درے اتیا کاله دی اؤ کهٔ نه لس شپې چا وموندې نو اتهٔ سوه دیرش کاله دی، اؤ کهٔ شل کاله چا ومنده نو دا به شپاړس سوه شپېتهٔ کاله شی اؤ کهٔ دیرش کاله چا وموندهٔ نو دَ دې مطلب دوه نیم زره کاله تقریباً۔ اوس سوچ وکړیٔ چې دا څومره ډېر ثوابونه پهٔ دې باندې ملاویږی۔ البته یوه خبره دا ده چې دَ خلقو پهٔ ذهن کښې دا سوال راځی چې دَ دې ثواب خو ډېر زیات دے خو چې چا ته ملاؤ شی نو هله کنه۔ دَ دې مطلب دا دے چې دَ خلقو پهٔ ذهن کښې دا دی چې دا خلقو ته نهٔ ملاویږی، نو دا خبره غلطه ده۔ دَ هغې وجه دا ده چې دَ لیلة القدر پهٔ باره کښې دَ خلقو تصور دا دے چې دا صرف یو لمحه ده۔ پهٔ هغه لمحه کښې کهٔ چا څهٔ وغوښتل اؤ څهٔ ېٔ وکړل نو بس هغه خو دغه شان دی اؤ کهٔ نه هغه ترېنه تېر شو نو تېر شو نو ډېر خلق دا وائی چې مطلب بنده کوشش کوی لېکن بس چې څنګه دا وخت راشی نو بنده ته خوب ورشی۔ نه دا خبره نهٔ ده۔ الله جل شانهُ چې قرآن کښې دَ دې باره کښې کوم فرمائیلی دی هغې کښې ېٔ فرمائیلی دی هِیَ حَتّٰی مَطْلَعِ الْفَجْرِ اؤ لیلة القدر ېٔ وئیلی دی لمحة القدر ېٔ نهٔ دی وئیلی۔ یعنی دا شپه چې کوم دے نو پوره پوره یعنی دا دَ عبادت شپه ده۔ اؤ دغه فضیلت لری پهٔ هره لمحه کښې دَ دې دا فضیلت دے۔ تر اخرې شپې یعنی تر څو پورې چې شپه ختمه شوے نهٔ وی یعنی صبح صادق نهٔ وی شروع شوے تر هغې پورې دَ دې دا حالت چې کوم دے نو بحال وی۔ اؤ پهٔ دې کښې فرشتې راځی دَ جبرئیل علیه السلام پهٔ سرپرستیٔ کښې اؤ کوم خلق چې ماشاء الله عبادت کوی نو هغوی دپاره ودریږی دَ هغوی دپاره دعاګانې کوی۔ بعضې خوش نصیبو خلقو سره مصافحې هم کوی۔ نو سبحان الله پهٔ دې شپه کښې ډېر څهٔ ملاویږی لېکن کهٔ چا پهٔ دې باندې لږ عمل وکړو۔
جَعَلَ اللہُ صِیَامَه الله جل شانهُ دَ دې روژه فرض کړے ده فَرِیْضَةً، جَعَلَ اللہُ صِیَامَه فَرِیْضَةً دَ دې روژه ېٔ فرض کړے ده وَ قِیَامَ لَیْلِه تَطَوُّعًا اؤ دَ دې شپې قیام یعنی نمونځ ېٔ چې کوم دے هغه ېٔ دَ ثواب څیز ګرځؤلې دے۔ یعنی نفل دي لېکن مَنْ تَقَرَّبَ فَیْهِ بِخَصْلَةٍ مِّنَ الْخَیْرِ کَانَ کَمَنْ اَدّٰی فَرِیْضَةً فِیْمَا سِوَاهُ نو دې شپه کښې کښې کهٔ چا نفل وکړل، څهٔ نفلی عمل ېٔ وکړو نو دا داسې شوه چې پهٔ نورو شپو کښې، پهٔ نورو روځو کښې دهٔ فرض عمل کړے دے۔ وَمَنْ اَدّٰی فَرِیْضَةً فِیْهِ کَانَ کَمَنْ اَدّٰی سَبْعِیْنَ فَرِیْضَةً فِیْمَا سِوَاهُ اؤ څوک چې پهٔ دې کښې فرض عمل وکړی نو دا داسې شوه چې لکه اویا فرضونه ېٔ کړی وی۔ دې شپه کښې نه، دې روژه کښې۔۔۔ روژه کښې، ټوله روژه کښې دا ثواب به روان وی۔ چې کهٔ چا څهٔ نفلی عمل وکړو نو دا به داسې وی لکه چې فرض عمل ېٔ کړی وی۔ اؤ کهٔ چا فرض عمل وکړو نو هغې باندے به اویا چنده ثواب به ورته ملاویږی۔ نو تاسو سوچ وکړیٔ چې مونږه روزانه پنځهٔ نمونځونه کوؤ۔ پهٔ مونږه دا پنځهٔ نمونځونه فرض دی نو چې کله پهٔ رمضان شریف کښې دا پنځهٔ نمونځونه وکړو پهٔ ورځ کښې نو دا به درے نیم سوه نمونځونه شی۔ تاسو سوچ وکړیٔ چې څومره دَ الله پاک مهروبانی ده۔ الله جل شانهُ دې مونږ ته دا نصیب کړی۔ الله اکبر۔
وَهُوَ شَهْرُ الصَّبْرِ اؤ دا میاشت چې کوم ده دا دَ صبر میاشت ده۔ وَ الصَّبْرُ ثَوَابُهُ الْجَنَّةُ اؤ دَ صبر ثواب چې کوم دے هغه جنت دے۔ وَ شَهْرُ الْمُوَاسَاةِ اؤ دا میاشت دَ غمخواریٔ میاشت ده۔ وَ شَهْرٌ یُّزَادُ فِیْهِ رِزْقُ الْمُؤْمِنِ اؤ دې میاشت کښې دَ خلقو رزق زیاتیږی۔ مَنْ فَطَّرَ فِیْهِ صَآئِمًا کَانَ لَه مَغْفِرَةٌ لِّذُنُوْبِہ وَ عِتْقُ رَقَبَتِه مِنَ النَّارِ اؤ چا چې دَ چا روژه ماته کړه پهٔ دې رمضان شریف کښې نو دا به داسې شی، دَ دهٔ به چې کوم دے ګناهونه معاف شی اؤ الله جل شانهُ به ېٔ دَ جهنم دَ اور نه خلاص کړی۔ وَ کَانَ لَه مِثْلُ اَجْرِه مِنْ غَیْرِ اَنْ یَّنْتَقِصَ مِنْ اَجْرِه شَیْءٌ اؤ دهٔ ته به هم هغه هومره اجر ملاویږی څومره چې دې روژه دار ته اجر ملاؤ شوے دے۔ بغیر دَ دې نه چې دَ دې روژه دار دَ روژې پهٔ اجر کښې به څهٔ کمے وشی۔ سبحان الله۔ یعنی الله پاک به ورته دَ خپل طرف نه اجر ورکوی۔ قُلْنَا یعنی مونږه دا ووې یعنی سلمان رضی الله تعالیٰ عنه وائی چې مونږه دا ووې یَا رَسُوْلُ اللہِ لَیْسَ کُلُّنَا نَجِدُ مَا نُفَطِّرُ بِهِ الصَّٓائِمَ یا رسول الله مونږ کښې ټول خلقو کښې دا طاقت خو نشته چې هغه دې دَ چا روژه ماته کړی۔ دَ دې نه دا پته ولګېده چې صحابه کرام اکثر غریبانان وو۔ تاسو سوچ وکړیٔ دې خبرې ته چې هغوی څهٔ وائی۔ مطلب دا دے چې وائی چې پهٔ مونږ کښې دَ هر چا خو دا طاقت نشته چې دَ خلقو روژه ماته کړو اؤ حرص دا دے چې هغوی دَ حضورﷺ نه تپوس کوی چې مونږ به دا څنګه حاصلوؤ۔ فَقَالَ رَسُوْلُ اللہِ صَلَّی اللہُ عَلَیْہِ وَ سَلَّمَ نو رسول اللهﷺ دا وفرمائیل۔ یُعْطِی اللہُ هٰذَا الثَّوَابَ مَنْ فَطَّرَ صَآئِمًا عَلیٰ مَذْقَةِ لَبَنٍ الله پاک خو دا ثواب هغه کس ته هم ورکوی چا چې دا روژه دَ چا ماته کړه پهٔ لږو غوندو پیو باندې اَوْ تَمْرَةٍ اؤ یا پهٔ کهجوره باندې اَوْ شَرْبَةٍ مِّنْ مَّآءٍ یا لږو غوندو اوبو باندې وَّ مَنْ اَشْبَعَ صَٓائِمًا سَقَاهُ اللہُ مِنْ حَوْضِیْ شَرْبَةً لَّا یَظْمَأُ حَتّٰی یَدْخُلَ الْجَنَّةَ اؤ چا چې روژه دار پهٔ مړه خیټه باندې موړ کړو نو هغهٔ ته به الله پاک زما دَ حوض یعنی حوضِ کوثر نه اوبهٔ ورکړی اؤ هغه به وڅښی اؤ دَ دې څښلو نه پس به تر جنته پورې دې نهٔ تږې کیږی۔ پهٔ جنت کښې خو داسې شته نه، لوږه تنده شته نه۔ نو دې لحاظ سره دَ هغهٔ به بالکل هغه تنده ختمه شی۔ وَ هُوَ شَهْرٌ اَوَّلُه رَحْمَةٌ اؤ دا میاشت چې کوم ده دَ دې اوله حصه رحمت دے وَّ اَوْسَطَه مَغْفِرَهٌ اؤ دَ دې مینځنیٔ حصه مغفرت دے وَّ اٰخِرُه عِتْقٌ مِّنَ النَّارِ اؤ دَ دې اخریٔ حصه چې کوم دے هغه دَ جهنم نه خلاصی ده۔ سبحان الله
الله جل شانهُ دې مونږ ته دا مبارکه میاشت نصیب کړی۔ الله پاک فرمائی یٰٓاَیُّهَا الَّذِیْنَ اٰمَنُوْا کُتِبَ عَلَیْکُمُ الصِّیَامُ کَمَا کُتِبَ عَلَی الَّذِیْنَ مِنْ قَبْلِکُمْ لَعَلَّکُم تَتَّقُوْنَ اے ایماندارو پهٔ تاسو باندې روژې فرض کړې شوی دی لکه څنګه چې دَ تاسو نه پهٔ مخکښې خلقو باندې روژې فرض کړې شوے وې چې تاسو تقویٰ حاصله کړیٔ۔ نو دا تقویٰ څهٔ ته وائی؟ الله جل شانهُ فرمائی اَلَا اِنَّ اَوْلِیَآءَ اللهِ لَا خَوْفٌ عَلَیْهِمْ وَلَا هُمْ یَحْزَنُوْنَ الَّذِیْنَ اٰمَنُوْا وَ کَانُوْا یَتَّقُوْنَ آګاه شیٔ چې دَ الله پاک کوم دوستان دی پهٔ هغوی باندې به نهٔ غم وی اؤ نهٔ به چې کوم دے یره وی اؤ دا کیفیت به ورته څنګه ملاؤ شوی وی؟ نو الله جل شانهُ فرمائی چې بېشکه دوی به چې کوم دے نو ایمان راؤړے وی یعنی ایمان به ورسره وی اؤ ورسره به۔۔۔۔ سبحان الله۔۔۔۔۔ ایمان به ورسره وی اؤ ورسره به ېٔ تقویٰ حاصله کړے وی۔ دا تقویٰ چې کوم دے سبحان الله دا دومره لوئے نعمت دے چې تقویٰ دَ ایمان سره یوځائې شی نو دا ولایت دے۔ نو پهٔ دې خبره باندې کهٔ مونږ پوه شو نو مونږ ته به دا پته ولګی چې دا روژه چې کوم دے دا داسې نعمت دے چې دَ دې پهٔ ذریعه باندې انسان ولی الله جوړیږی۔ ولی الله جوړیږی۔ یعنی کهٔ مونږه دا روژه پهٔ صحیح طریقه باندې ونیسو۔ البته مونږ ته دا معلومه ده چې فرمائی مطلب دا دے یعنی حضور پاکﷺ الصوم جُنَّةٌ دا روژه چې کومه ده دا څهٔ ده؟ دا یو ډال دے دَ ګناهونو نه دَ بچ کېدو دپاره دا یو ډال دے۔ تر څو پورې چې ېٔ څوک ونهٔ شلوی۔ تر څو پورې چې څوک ونهٔ شلوی۔ نو مطلب دا شلؤل چې کوم دے دا څهٔ دی؟ دا شلؤل هغه دی چې لکه مطلب پهٔ دې کښې داسې کارونه وشی چې دا پهٔ نورو ورځو کښې هم ګناه ده۔ نو پهٔ روژه کښې خو هغه ګناه زیاته ده۔ نو چې دا ګناهونه دې پهٔ روژه کښې وکړی نو دې سره دَ روژې هغه ثواب ټول ګډ وډ شی۔ دَ دې نه مطلب دا دے چې څهٔ ېٔ حاصل کړی وی هغه دغه شان پاتې شی۔ دې باره کښې فرمائی چې بعضې خلق به داسې وی چې هغوی چې کوم دے نو دا روژه چې ونیسی نو هغه به داسې وی لکه دوی صرف فاقه وکړه۔ دَ فاقې نه علاوه به ورته څهٔ نهٔ ملاویږی۔ دَ دې مطلب دے اوس دا روژه چې کوم دے پهٔ صحیح طریقه باندې نیؤل پکار دی۔ اؤ هغه دا دی چې پهٔ دې کښې مونږ داسې ځان قابو کړو دَ ګناهونو نه چې ګناهونو طرف ته کهٔ مونږ خلق راغواړی هم، نو چې مونږ ورته لاړ نهٔ شو۔ ځکه چې پهٔ دې کښې دا فرمائي فَإِنْ سَابَّه أَحَدٌ أَوْ قَاتَلَه فَلْیَقُلُ إِنِّی امْرُؤٌ صَائِمٌ۔ یعنی کهٔ څوک مطلب دا دے چې جدال مونږ سره کوی اؤ جهګړه راسره کوی نو مونږ به ورسره جهګړه نهٔ کوؤ بلکې مونږ به دا ووایو إِنِّی امْرُؤٌ صَائِمٌ زهٔ خو چې کوم دے روژه دار یمه۔ دَ دې مطلب دا شو چې مونږ ته دَ روژې ډېر زیات احترام پکار دے۔ حضورﷺ فرمائی اِذَا کَانَ أَوَّلُ لَیْلَةٍ مِنْ شَهْرِ رَمَضَانَ ، صُفِّدَتِ الشَّیَاطِیْنُ وَمَرَدَةُ الْجِنِّ چې کله دا وړومبیٔ شپه دَ رمضان شریف راشی نو پهٔ دې کښې دا شیطانان وتړلې شی اؤ دا کوم چې سرکش جنّات دی ۔ وَ غُلِّقَتْ أَبْوَابُ النَّارِ اؤ دَ جهنم دروازې بندې کړې شی فَلَمْ یُفْتَحْ مِنْهَا بَابٌ بیا دا دروازه نهٔ کولاویږی۔ وَ فُتِّحَتْ أَبْوَابُ الْجَنَّةِ، اؤ دَ جنت دروازې کولاؤ شی فَلَمْ یُغْلَقْ مِنْهَا بَابٌ،نو پهٔ دې کښې یوه دروازه بیا نهٔ بندیږی پهٔ ټول رمضان کښې۔ وَ یُنَادِی مُنَادٍیَا بَاغِیَ الْخَیْرِ، أَقْبِلْ، اؤ څوک منادی کؤلو والا منادی هم کوی چې اے خیر طرف ته راتلونکیه خپل پیش قدمی وکړه یعنی مخکښې لاړ شه۔ وَیَا بَاغِیَ الشَّرِّ اے دَ شر طرف ته تلو والا أَقْصِرودرېږه وَلِلّٰہِ عُتَقَآءُ مِنَ النَّارِ اؤ دې کښې دَ الله پاک دَ طرف نه جهنم نه خلق خلاصؤلې شی۔ وَ ذٰلِكَ کُلَّ لَیْلَةٍ، اؤ دا هره شپه کیږی۔ وَقَالَ عَلَیْهِ الصَّلٰوةُ وَالسَّلامُ کُلُّ عَمَلِ ابْنِ اٰدَمَ یُضَاعَفُ الْحَسَنَةُ بِعَشْرِ اَمْثَالِهَآ اِلٰی سَبْعِ مِائَةِ ضِعْفٍ اؤ حضور پاکﷺ فرمائی چې دَ ټولو عملونو چې کوم بنی آدم کوی دَ هغې اجر لس چنده نه واخله تر اویا چنده پورې کیږی۔ قَالَ اللہُ تَعَالٰی لېکن الله پاک فرمائی اِلَّا الصَّوْمَ مګر دَ روژې معامله جُدا ده۔ هغه څهٔ ده؟ فَاِنَّه لِیْ بېشکه دا زما دپاره دوی نیؤلې ده۔ وَاَنَا اَجْزِیْ اؤ زهٔ به دَ دې جزا پخپله ورکؤم۔سبحان الله سبحان الله۔ یَدَعُ شَھْوَتَه وَطَعَامَه مِنْ اَجَلِیْ۔ دهٔ زما دپاره خپل شهوت اؤ دَ طعام نه ځان منع کړے دے۔للِصَّآئِمِ فَرْحَتَانِ دَ روژه دار دپاره دوه فرحتونه دی۔فَرْحَةٌ عِنْدَ فِطْرِه یو فرحت خو دا دے چې هغه څهٔ وخت کښې روژه ماتوی۔ اؤ فَرْحَةٌ عِنْدَ لِقَآءِ رَبِّه اؤ یو فرحت دا دے چې څهٔ وخت کښې الله پاک سره ملاقات کوی۔ وَلَخَلُوْفُ فَمِ الصَّٓائِمِ اَطْیَبُ عِنْدَ اللہِ مِنَ الْمِسْكِ اؤ دا خلهٔ کښې چې کوم دا بویٔ راجوړیږی دَ روژه دار دا دَ الله پهٔ نزد باندې دَ مُشک نه زیات ماشاءا لله خوږ دے۔ وَالصِّیَامُ جُنَّةٌ اؤ روژه چې کوم دے دا ډال دے۔ وَاِذَا کَانَ یَوْمُ صَوْمِ اَحَدِکُمْ فَلَا یَرْفَثْ وَلَا یَصْخَبْ۔ مطلب دا دے چې پهٔ دې کښې به ځان کنټرول کؤل غواړی۔ نو الله جل شانهُ دې مونږ ته پهٔ دې باندې ډېر زیات دَ عمل توفیق راکړی۔
پهٔ آخر کښې یو څو خبرې دا کؤمه چې پهٔ دې کښې چونکې ډېر څهٔ ملاویږی نو مونږ ته پکار دی چې پهٔ دې روژه کښې مونږه ماشاء الله یعنی کوم عملونه چې دَ روژې سره خاص دی هغه مونږه خاص کړو۔ بس یو خو روژه پهٔ صحیح طریقه باندې ونیسو، روژه ماتی کښې دَ الله پاک نه ښهٔ ډېر زیات وغواړو۔ اؤ پهٔ سحری کښې دَ الله پاک نه ډېر زیات وغواړو اؤ سحری ته چې پاڅو نو ورسره تهجد هم کېدے شی نو هغې کښې مونږه تهجد هم دوه څلور رکعته وکړو۔ هغې نه پس بیا الله پاک نه ډېره دعا وکړو۔ اؤ سحری چې کوم دے باقاعدګیٔ سره کوؤ ځکه دې کښې برکت دے اؤ داسې طریقې سره مونږه دا ټول اعمال وکړو چې پکښې رانه څهٔ زیاتے ونهٔ شی۔ یعنی ګناهونو کښې مونږه ځان شامل نهٔ کړو۔ اؤ پهٔ دې کښې چې کوم اعمال دی هغه ډېر پهٔ ښهٔ طریقې سره وکړو لکه تراویح دی۔ نو تراویح سبحان الله دا خو ډېر زیات ماشاء الله ښکلې عمل دے اؤ دَ الله پهٔ مخکښې ودرېدل دی اؤ پهٔ دې کښې قرآن پاک وئیلې شی نو قرآن پاک مونږ ډېر پهٔ شوق اؤ محبت سره واؤرو۔ نو دا دَ قرآن پاک دا اورېدل زمونږ دپاره دَ زړونو دپاره اصلاح ده۔ زمونږ دَ زړونو به پهٔ دې باندې به اصلاح کیږی۔ نو زمونږ دَ نفس یعنی تربیت چې کوم دے پهٔ روژه باندې کیږی اؤ زمونږ دَ زړهٔ صفائی چې کوم دے هغه پهٔ قرآن باندې کیږی۔ اؤ پهٔ دې کښې دَ څلور څیزونو کثرت حکم دے۔ یو دا چې لا اله الا الله دا مونږ پهٔ کثرت سره وایو۔ اؤ دویم دا چې استغفار مونږه پهٔ کثرت سره کوؤ۔ اؤ دریم دا چې مونږ دَ جنت طمع یعنی جنت غوښتل دا پهٔ کثرت سره کوؤ۔ اؤ دریم دا چې دَ جهنم نه امان مونږ پهٔ کثرت سره غواړو۔ نو دا مطلب دا دے چې دا څلور څیزونه باقاعدګیٔ سره کؤل دی۔ اؤ ماشاء الله پهٔ دې کښې چې الله پاک کوم څیزونه یښی دی هغې نه مونږه دَ حاصلؤلو پوره پوره کوشش کوؤ۔ یو څیز پهٔ دې کښې اعتکاف هم دے۔ نو دا اعتکاف چې کوم دے دَ سړیو دپاره پهٔ جومات کښې اؤ دَ ښځو دپاره پهٔ خپل کور کښې دے۔ ښځې به پهٔ خپل کور کښې ځان دپاره یو ځائې جوړ کړی هغې ته دې مسجد ووائی پهٔ هغې کښې دې ودهٔ کیږی، پهٔ هغې کښې دې خوراک هم کوی، پهٔ هغې کښې دې نمونځ هم کوی اؤ دا چې نور ټول اعمال دې پهٔ هغې کښې کوی البته کهٔ دَ اودس دپاره بیت الخلا ته ځی نو هغه تلې شی۔ نو دا دې طریقې سره چې کوم دے نو ماشاء الله دَ زنانه چې کوم دے دا هم پهٔ خپل کور کښې چې کوم دے اعتکاف کؤلې شی۔ اؤ دغه شان دَ اعتکاف دا برکات هم ورته حاصل شی ځکه چې اعتکاف داسې څیز دے چې دا پهٔ خوب کښې هم نهٔ ماتیږی۔ نو کهٔ څوک پهٔ خوب کښې هم وی نو دَ هغهٔ اعتکاف نهٔ ماتیږی۔ لهٰذا دا داسې عمل دے چې مستقل روان وی ټوله شپه نو کهٔ لیلة القدر وی نو سبحان الله ماشاء الله دَ ټولې شپې اجر به ورته ملاؤ شی۔
بله خبره دا ده چې ما تاسو ته دا خبره کؤله چې لیلة القدر چې کوم دے دا لمحه نهٔ ده بلکې دا ټوله شپه ده۔ نو پهٔ دې کښې الحمد لله دا دوه نمونځونه چې کوم دی دا فرض نمونځونه۔ یو دَ نماښام نمونځ دے اؤ یو دَ نمازخفتن نمونځ دے۔ دا دواړه نمونځونه چې څوک وکړی نو الحمد لله دَ فرضو نمونځونو ثواب چې ورته ملاؤ شی نو هغه ماشاء الله تاسو سوچ وکړیٔ چې هغه به څومره وی۔ نفل چې کوم دے دَ فرضو برابر نهٔ شی کېدے۔ نو دا نمونځونه چې څوک دواړه پهٔ دې روژه کښې وکړی نو الحمد لله دَ هغې هغه ثواب به ورته ملاؤ شی۔ ډېر زیات ثواب خو به هر کس ته ملاؤ شی څوک هم چې نمونځ ګذار وی۔ البته چې کوم سړی نمونځ ګذار وی هغوی له پکار دی چې لږ مخکښې لاړ شی پهٔ دې ورځو شپو کښې، نمونځ ته دې مخکښې لاړ شی۔ هلته چې کښینی نو چې څنګه کښینی، چې هغه انتظار کښې ناست وی دَ نمونځ، نو دا داسې دے لکه چې دې پهٔ نمونځ کښې دے۔ ماشاء الله دَ هغې اجر به ورته مستقل ملاویږی اؤ تکبیر اولیٰ به ورته هم ملاؤ شی۔ نو دې لحاظ سره چې کوم دے ماشاء الله دا اجر به ېٔ نور هم زیات شی۔ اؤ بیا پهٔ دې شپو کښې داسې طریقې سره عمل پکار دے چې مسلسل هغه خپل عمل جاری ساتی۔ دَ هغې دپاره پکار دا ده چې دا عمل کښې تبدیلی راولی ځکه چې یو شان مسلسل بنده کار کوی نو هغې پهٔ وجه باندې ستړې شی، نو پکار دی چې دا عمل دې بیا بیا تبدیلوی چې ستړې کیږی نه۔ لکه څلور رکعته دې نفل وکړی، بیا دې نیمه پاره۔۔۔ نیمه سپاره تلاوت وکړی، اؤ بیا دې ورپسې لږ ذکر وکړی لکه کلمه دې ووائی،درود شریف دې ووائی، استغفار دې وکړی، بیا دې ورباندې دعاګانې وکړی۔ مناجاتِ مقبول یو کتاب دے چې پهٔ هغې دَ قرآن دعاګانې اؤ دَ احادیث شریف دعاګانې دی۔ هغه دعاګانې دې وکړی نو ماشاءا لله هغه دې یو منزل ووائی اؤ بیا دغه شان دا دوباره دې چې کوم دے شروع شی یعنی څلور رکعته نفل اؤ دغه شان بیا بیا، بیا بیا دې دغه شان دهراوه وی دغه څیزونه نو ماشاء الله تر پیشمنی پورې مستقل چې کوم دے نو دا اعمال ان شاء الله جاری وی۔ یو بل سره ګپونه مهٔ لګویٔ۔ یوه خبره، دویم دا چې کور نه ټیلی وژن دغه وخت لرې کړیٔ یا بند ېٔ کړیٔ۔ اؤ موبائل غلط استعمال به نهٔ کویٔ اؤ دغه چې کوم دے څهٔ ورته وائی کوشش کویٔ چې څومره چې کارونه دَ ورځې کؤلې شیٔ هغه وکړیٔ چې شپه ستاسو بالکل دَ عبادت دپاره فارغه شی۔ الله جل شانهُ دې مونږ ته پهٔ دې باندې دَ عمل توفیق راکړی۔
رَبَّنَا تَقَبَّلْ مِنَّا إِنَّكَ أَنْتَ السَّمِیْعُ الْعَلِیْمُ ، وَ تُبْ عَلَیْنَا إِنَّكَ أَنْتَ التَّوَّابُ الرَّحِیْمُ۔ سُبْحٰنَ رَبِّكَ رَبِّ الْعِزَّةِ عَمَّا یَصِفُوْنَ وَسَلٰمٌ عَلَی الْمُرْسَلِیْنَ وَالْحَمْدُ لِلٰٓہِ رَبِّ الْعٰلَمِیْنَ بِرَحْمَتِكَ یَا اَرْحَمَ الرَّاحِمِیْنَ